Сүүлийн хэд хоногт уда дараалан пуужингийн туршилт хийсэнтэй холбогдуулан Сөүлээс Пхеньянд сүүлийн таван жилд анх удаа хориг тавьжээ. Хоригт Хойд Солонгосын 15 хувь хүн, 16 хуулийн этгээд буюу байгууллага хамрагдсан байна.
“Цөмийн цэнэгт хөшуу тээх боломжтой пуужин ашигласан, давтамж нь урьд өмнө хэзээ ч байгаагүй ойрхон байсан зэрэг нь сүүлийн өдөөн хатгалтыг хүлээн зөвшөөрөхгүй байх нэмэлт шалтгаан болж байна” гэж “Ёнхап” агентлагийн мэдээлэлд дурджээ.
Хориг тавигдсанаар БНСУ-аас Хойд Солонгос руу, хоригт хамрагдсан хувь хүн, байгууллага руу мөнгө чөлөөтэй гуйвуулах боломжгүй болж байгаа аж. Зайлшгүй мөнгө шилжүүлэх шаардлага гарсан тохиолдолд БНСУ-ын банк, санхүүгийн хяналтын албанаас тусгайлан зөвшөөрөл авахаар болжээ. Энэ нь өөрийн улсын иргэдийг пуужин бүтээх ажлыг санхүүжүүлэхээс сэргийлж буй хэлбэр гэнэ.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.