“Meta” компани нэгэн зэрэг хэдэн мянгаар тоологдох ажилтнаа халах гэж байгаа талаар “Wall Street Journal” мэдээллээ. Энэ нь компани байгуулагдсанаас хойших 18 жилийн түүхэнд ажилтнаа олноор нь цомхотгосон анхны тохиолдол болох юм байна.
Сонины олж мэдсэнээр, цомхотгол явуулах тухай шийдвэрийг энэ сарын 9-ний өдөр зарлах ажээ. “Wall Street Journal” ийнхүү бөөнөөр нь халах тушаал удахгүй гарахыг тун итгэлтэй зөгнөсөн ч яг хэчнээн хүн цомхотгох талаар мэдээлсэнгүй.
Одоогийн байдлаар тус компани нийт 87 000 гаруй ажилтантай юм. “Meta Platforms” нь “Facebook”, “Instagram”, “WhatsApp”-ыг эзэмшдэг дэлхийн хамгийн үнэтэй корпорацуудын нэг юм. Өнгөрсөн сард тус корпорац энэ оны гуравдугаар улирлын тайлангаа танилцуулсан бөгөөд ашиг нь 4 хувиар буурсан байсан юм.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
компьютер шагайж хоолоо олж идэхээс өнгөрөв өө META.TBITTER ГЭХ МЭТ