Мальдивын нийслэл Мале хотод үйл ажиллагаа явуулдаг авто засварын газрын ажилчдын орон сууц шатсаны улмаас 10 хүн амь насаа алджээ. Тус улсын авто засварын бизнест энэтхэг, бангладешийн мэргэжилтнүүд олноор ажилладаг бөгөөд нас барсан ажилчдын ес нь энэтхэг, нэг нь бангладеш хүн байсан аж.
Гал ажилчдын байрны доод давхраас эхэлсэн бөгөөд тухайн давхарт байсан хүмүүс аюулаас зайлж амжсан гэнэ. Харин дээд давхарт байрласан ажилчид амиа алджээ.
Амиа алдсан иргэд бүгд дээд давхарт байсан болохыг Гал түймэртэй тэмцэх албаны эх сурвалж хэлсэн байна. Галынхан түймрийг унтраахад дөрвөн цаг зарцуулсан гэнэ.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.