"Xanadu Mines": Хармагтай төслөөр өндөр агуулгатай шинэ бүсүүд илрүүллээ

"Xanadu Mines" өрөмдлөгийн ажлын явцад өндөр агуулгатай шинэ бүс илрүүлжээ. Улмаар Монгол дахь Хармагтай зэс-алтны төслийн нөөцийг энэ оны сүүлээс өмнө шинэчилнэ гэдгээ мэдэгдэв.

Тус компани Стокворк Хилл болон Уайт Хилл ордууд дахь нөөцийн өргөтгөлүүдийг нэмэгдүүлэх зорилготойгоор 30 мянган метрийн алмазан өрмийн кампанит ажлынхаа тал хувийг дуусгасан байна.

Хармагтай нь

• гурван сая тонн зэс
• найман сая унц алтны нөөц
• 1.1 тэрбум тонн ашигт малтмалын нөөцтэй гэдгээрээ алдартай.

"Xanadu Mines"-ийн мэдээлснээр 31 өрөмдлөгийн цооногоос хийсэн сүүлийн үеийн шинжилгээ нь 2021 онтой харьцуулахад илүү үр дүнг харуулсан хэмээжээ.

Стокворк Хиллээс хийсэн өрөмдлөгийн үеэр 122 метрийн гүнээс 0.32 хувь зэс, тонн тутамд 0.26 грамм алтны агууламжтай байжээ. Мөн өөр нэгэн цооногоос 411-ээс 22 метрийн өндөрт 0.95 хувийн зэсийн агууламжтай, 4.1 метрийн гүнд 3.82 хувийн хатуу зэсийн агууламж илэрсэн байна. Өндөр агуулга бүхий шинэ бүсүүдийг өргөтгөхөөр нэмэлт өрөмдлөг хийх талаараа компанийн зүгээс мэдээллээ.

Энэ мэдээнд өгөх таны үнэлгээ

Хуваалцаарай Жиргээрэй