Ус цаг уур, орчны шинжилгээний газрын ахлах мэргэжилтэн О.Оюунчимэг ойрын өдрүүдийн цаг агаарын талаар мэдээлэл өглөө.
Тэрбээр “Өнгөрсөн хоногт Хангай, Хөвсгөлийн уулархаг нутгаар 0-0.4 мм цас орсон. Өнөөдөр буюу 22-23-нд шилжих шөнө Хөвсгөлийн нутаг, Төв, Хэнтий, Дорнод аймгийн нутгийн хойд хэсгээр цас орж зөөлөн цасан шуурга шуурна. Маргааш буюу 23-нд Хангайн уулархаг нутгаар, 24-нд Хэнтий уулархаг нутгаар, 25-нд баруун болон төвийн аймгуудын өмнөд хэсэг, говийн аймгийн нутгуудын баруун хэсгээр, 26-нд говийн аймгуудын нутгийн зүүн хэсгээр, 26-нд баруун аймгийн нутгуудын өмнөд хэсгээр, 27-нд нутгийн зүүн хэсгээр цас орно.
Салхины хувьд 23-нд нутгийн зүүн хэсгээр, 24, 25-нд говь тал хээрийн нутгаар, 26-нд нутгийн баруун хагаст, 27-нд нутгийн зүүн хэсгээс секундэд 15-17 м/с хүрч ширүүснэ. Нутгийн өмнөд хэсгээр шороон шуургатай.
Агаарын температур, Гуравдугаар сарын 23, 24-нд нутгийн хойд хэсгээр бага зэрэг сэрүүснэ. 26, 27-ноос нутгийн өмнөд хэсгээр дулаарна. Агаарын температурт өөрчлөлт багатай байна” гэлээ.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
27-ноос хойш эрхбиш дулаарна биздээ, бурхан минь !