Монгол Улсын Засгийн газраас тэтгэврийн тогтолцоог олон давхаргат тогтолцоонд шилжүүлэх шинэчлэлийн хүрээнд "Хувийн нэмэлт тэтгэврийн тухай хуулийн төсөл"-ийг боловсруулан олон нийтээр хэлэлцүүлж байна.
Уг хууль батлагдсанаар иргэд зөвхөн улсын тэтгэврээс гадна ажил хөдөлмөр эрхлэх хугацаандаа нэмэлт хуримтлал үүсгэх эрх зүйн орчин бүрдэх юм.
Хувийн тэтгэврийн хуримтлалд хамрагдах иргэдийн оролцоо нэмэгдэж байгаа хэдий ч Монгол Улсад энэхүү харилцааг зохицуулсан хууль эрх зүйн орчин бүрдээгүй байна. Энэ нь хувийн тэтгэврийн тогтолцоонд хамрагдаж байгаа иргэдийн эрх зөрчигдөх эрсдэлтэй байна. Өнөөгийн байдлаар 135.7 мянган хүн тэтгэврийн хуримтлал санал болгож буй даатгалын болон тэтгэврийн санд хамрагдаж, нийт хуримтлал 63.4 тэрбум төгрөгийн хуримтлалыг бий болгоод байна.
Хүн амын насжилт, дундаж наслалтын өсөлтөөс үүдэлтэй хөдөлмөр эрхлэх хугацаа уртсаж, иргэд хөдөлмөрлөн, цалин орлоготой байх үедээ бүрэн хуримтлал бүхий хувийн нэмэлт тэтгэврийн тогтолцоонд сайн дурын үндсэн дээр хамрагдах, ирээдүйд зөвхөн улсын тэтгэврийн даатгалын сангаас гадна, олон эх үүсвэрээс тэтгэвэр авах сонирхолтой байна.
Иймд Хувийн нэмэлт тэтгэврийн тухай анхдагч хуулийн төслийг холбогдох талуудын оролцоог ханган боловсруулж, Улсын Их Хуралд өргөн мэдүүлэхээр бэлтгэж байна. Ингэснээр Монгол Улс бусад улс орнуудын адил тэтгэврийн олон давхаргат тогтолцоонд шилжих юм.
Хууль батлагдсанаар,
- Хувийн тэтгэврийн тухай хууль батлагдсанаар ажил олгогчид хүний нөөцийн шинэ бодлого хэрэгжүүлж, ажилтнаа тогтвор суурьшилтай ажиллуулах, нийгмийн хариуцлагаа хэрэгжүүлэх, бүтээмжээ нэмэгдүүлэх ач холбогдолтой юм.
- Түүнчлэн даатгал, тэтгэврийн сангуудын хөрөнгийн хэмжээ өсөж, урт хугацааны дотоодын хөрөнгө оруулалтын эх үүсвэр нэмэгдсэнээр санхүүгийн зах зээлийн тогтвортой хөгжилд дэмжлэг үзүүлнэ.
- Иргэд хувийн нэмэлт тэтгэврийн хуримтлалаасаа өөрөө сонгож, нэг удаа, 5-10 жилийн хугацаанд, мөн насан туршдаа тэтгэвэр авах боломжтой болно.
- Мөн иргэн тэтгэврийн наснаас өмнө хөдөлмөрийн чадвараа алдсан тохиолдолд тэтгэвэр тогтоолгох эрхтэй бөгөөд нас барсан бол тэтгэврийн хуримтлалаа өвлүүлэх боломжтой.
Өнөөгийн тэтгэврийн тогтолцоо нь "хуваарилалтын" (PAYG - Pay-As-You-Go) зарчим буюу "Эв санааны нэгдэл"-ийн зарчим дээр тулгуурлаж байгаа нь хүн ам зүйн өөрчлөлт болон санхүүгийн тогтвортой байдалд эрсдэл учруулж буй юм.
Т.ГЭРЭЛТ-ИРЭЭДҮЙ
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Хийвэл банк л хийсэн дээр, одоогоор энэ чичрээд бгаа даатгал, ХО, хувьцааны дилэр компаниуд найдваргүй, харин тэр яриад бгаа өгөөж нь одоогийн 20-30 тай залууст л наалдаж магадгүй, бас ихэнх оронд нэг удаа бөөнөөр нь авна гвл 10-15% татвар төлөх хууль яваад бдаг шүү
Улс нь идээд байхад хувь нь бүүр худлаа
Насаараа ажил хийж үзээгүй, НДШ төлөөгүй хүнд халамжийн тэтгэвэр өгдөг нь маш буруу. Капиталист нийгэмд хэн шимтгэл төлсөн нь тэтгэвэр авах ёстой, төлөөгүй бол авах ёсгүй.
bitgii dongos
Луйварчид болих хэрэгтэй нэг л өдөр дампуурсан гээд 1-2 хүн шоронд цөөхөн хэдэн жил ял завшина.
Huuli erh bolomj geed goe shaana l da.hulgaich nar ehleed tom tom haus jip tansag offic.d suugaad l mungu bga gd ldampuurlna bizde.
Хотынхон бол сард 3.000 тушаадаг гэсэн ш дээ аимаг сард 200,300 тушаахад л зүгээр шуналтаи юу юу гэлээ элдэв долооноор хэлээд бсан тэр дор нь больсон ш дээ яршиг.ажилаа сонин итгэлгүи иргэдэд ээлгүи хиидэг хүнииг элдэв хиидэг ажилтан бсан гарсиим болуу өөрчлөгдсөн юм шиг