НИЙГЭМ

‪Соёлын гавьяат зүтгэлтэн Д.Эрдэмбилэг өөд болов

Монгол Улсын соёлын гавьяат зүтгэлтэн, зураач, дизнайнер Д.Эрдэмбилэг өнөөдөр бурхан болов. Чингис Хааны хөшөөт цогцолбор, Их Майдар, Морин хуур цамхаг зэрэг төслийг санаачлан, бүтээснээрээ монгол түмний хүндлэлийг хүлээсэн эрхэм.

1981 онд Дүрслэх урлагийн дунд сургуулийг уран зураач, 1991 онд Москва хотын Үйлдвэр урлагийн дээд сургуулийг үйлдвэрлэлийн дизайнер мэргэжлээр тус тус дүүргэсэн.

Монументал чимэглэл, бүтээгдэхүүний дизайн, зохион бүтээлт, инновацийн чиглэлээр ажилладаг. Монголын дүрслэх урлаг, үйлдвэрлэлийн дизайны чиг хандлагыг дэлхийд өрсөлдөхүйц мега төслүүдтэй уялдуулан хөгжүүлж ажилладаг онцлогтой.

1981- 1986 онд Үзэсгэлэн чимэглэлийн газарт зураач; 1991- 1993 онд Соёл урлагийн дээд сургууль, Ногоон морь арт коллежид багш; 1993- 2000 онд Боролдой студид найруулагч, зураач; 2000 оноос Хаус дизайн ХХК-ийн ТУЗ-ийн гишүүн; 2010 оноос Их Майдар сангийн удирдах зөвлөлийн гишүүн; 2015 оноос Бүтээлч Монгол нэгдлийн зөвлөх; 2015 оноос Эрдэмбилэг Арт студийг үүсгэн ажиллаж байна.

2001 онд Хүүхэд залуусын цэцэрлэгт хүрээлэн дэх Чингис хааны хүндэтгэлийн цогцолборын уралдааны тэргүүн байр; 2003 онд Мэргэжлийн Сумо бөхийн “Монгол Улсын Ерөнхий сайдын нэрэмжит цом”-ын загварын уралдааны тэргүүн байр; 2006 онд Их Монгол Улс байгуулагдсаны 800 жилийн ойн логоны уралдаанд тэргүүн байр; 2006 онд Оюу толгой компанийн логоны уралдааны тэргүүн байр; 2010 онд Монгол Улсын Урлагийн гавъяат зүтгэлтэн; 2010 онд Дэлхийн Оюуны өмчийн алтан медаль хүртсэн.

2006 оноос Цонжин болдогийн Чингис хааны хөшөөт цогцолбор- Дэлхийн хамгийн том морьт хөшөө, Монголын 9 гайхамшигийн нэг. 2009 оноос Морин хуур цамхаг. Улаанбаатар хотын билэг тэмдэг болох 309м өндөр цамхаг; 2010 оноос “Их Майдар цогцолбор” эв нэгдлийн бэлгэдэл энэрэнгүй их майдар төслийн ерөнхий зохион бүтээгч; 2012 оноос “Ногоон морь” дэлхийн уур амьсгалын өөрчлөлтийн эсрэг, ландскэйп ХАА-н органик агропакрийн төсөл; 2013 оноос “Чингис Хаан” тансаг зэрэглэлийн брэндийн концепц, 2016 оноос Чонон тэнгэр тауэр концепц дизайныг санаачлан хөгжүүлж эхлэсэн.

1994 онд Монголын Урчуудын Эвлэлийн үзэсгэлэнгийн танхимд хамтарсан үзэсгэлэн, 1994 онд АНУ, Нью Иорк, Сан-Франциско хотод, 1995 онд Холбооны Бүгд Найрамдах Герман Улсын Берлин хотод, 2016 онд Q-Art галлерейд Хайку- Арт бие даасан үзэсгэлэнгээ толилуусан.

БОЛОВСРОЛ

1977- 1981 онд Дүрслэх урлагийн дунд сургууль;
1986- 1991 онд Москва хотын Үйлдвэр урлагийн дээд сургуулийг Дизайнер мэргэжлээр дүүргэсэн;

АЖЛЫН ТУРШЛАГА

1981- 1986 онд Үзэсгэлэн чимэглэлийн газарт зураач;
1991- 1993 онд Соёл урлагийн дээд сургууль, Ногоон морь арт коллежид багш;
1993- 2000 онд Боролдой студид найруулагч, зураач;
2000 оноос Хаус дизайн ХХК-ийн ТУЗ-ийн гишүүн;
2010 оноос Их Майдар сангийн удирдах зөвлөлийн гишүүн;
2015 оноос Бүтээлч Монгол нэгдлийн зөвлөх;
2015 оноос Эрдэмбилэг Арт ХХК-ийн захирал;

САНААЧЛАН ХЭРЭГЖҮҮЛЖ БУЙ ТӨСЛҮҮД

2006 оноос Цонжин болдогийн Чингис хааны хөшөөт цогцолбор- Дэлхийн хамгийн өндөр морьт хөшөө, Монголын 9 гайхамшигийн нэг.

2009 оноос Морин хуур цамхаг. Монгол Улсын нэрийн хуудас болох 309м өндөр цамхаг;
2010 оноос “Их Майдар цогцолбор” эв нэгдлийн бэлгэдэл энэрэнгүй их майдар төслийн ерөнхий зохион бүтээгч;
2012 оноос “Ногоон морь” уур амьсгалын өөрчлөлт, хөдөө аж ахуйн мега төсөл;
2013 оноос “Чингис Хаан” тансаг зэрэглэлийн брэнд бүтээх төсөл;
2016 оноос UB ECO CAR төсөл

ҮЗЭСГЭЛЭН

1994 онд Монголын Урчуудын Эвлэлийн үзэсгэлэнгийн танхимд хамтарсан үзэсгэлэн;
1994 онд Бие даасан үзэсгэлэн, АНУ, Нью Иорк, Сан-Франциско;
1995 онд Бие даасан үзэсгэлэн, Холбооны Бүгд Найрамдах Герман, Берлин;

ГАРГАСАН АМЖИЛТ

2001 онд Хүүхэд залуусын цэнгэлдэх хүрээлэн дэх Чингис хааны хүндэтгэлийн цогцолборын уралдааны тэргүүн байр;
2003 онд Мэргэжлийн Сумо бөхийн “Монгол Улсын Ерөнхий сайдын нэрэмжит цом”-ын загварын уралдааны тэргүүн байр;
2006 онд Их Монгол Улс байгуулагдсаны 800 жилийн ойн логоны уралдаанд тэргүүн байр;
2006 онд Оюу толгой компанийн логоны уралдааны тэргүүн байр;
2010 онд Монгол Улсын Урлагийн гавъяат зүтгэлтэн;
2010 онд Дэлхийн Оюуны өмчийн алтан медаль.

Талийгаачийн гэр бүлд гүн эмгэнэл илэрхийлье.

Энэ мэдээнд таны өгөх үнэлгээ
Like
Love
Haha
Wow
Sad
Angry

Холбоотой мэдээ

7 Сэтгэгдэл

Хариулт үлдээх

АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Back to top button