НИЙГЭМ
Дөрвөн хүүхэд эндэхэд хүргэсэн “Хан талст” компанийн захиралд яллах дүгнэлт үйлджээ
2020 оны 5 дугаар сарын 27-нд Баянзүрх дүүрэгт орших Үндэсний цэцэрлэгт хүрээлэнгийн ойролцоо дөрвөн хүүхэд тогтоол усанд осолдож харамсалтайгаар амиа алдсан хэрэг гарсан билээ.
Тодруулбал Дэнжийн 1000-д амьдардаг 8-12 насны 10 хүүхэд Үндэсний цэцэрлэгт хүрээлэнгийн баруун урд талын тогтоол усанд сэлж тоглож байтал дөрвөн хүүхэд нь эндсэн юм.
Тэгвэл уг хэрэгт Баянзүрх дүүргийн прокурорын газар хяналт тавьж, 2020 оны 12 дугаар сард “Хан талст” компанийн захиралд холбогдуулан яллах дүгнэлт үйлдэж шүүхэд шилжүүлжээ. Хэрэг одоогоор эцэслэн шийдвэрлэгдээгүй байгаа аж.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.