Нийгмийн
Нийтийн байранд гал гарч, хоёр хүн түлэгджээ
Нийслэлийн Баянзүрх дүүргийн 9 дүгээр хороо, Эмнэлгийн 6 дугаар гудамжинд нийтийн байр шатаж хоёр хүн түлэгджээ. Энэ тухай дуудлагыг өчигдөр буюу дөрөвдүгээр сарын 11-ний өдрийн 15:48 цагт хүлээн авч, тус дүүргийн Онцгой байдлын хэлтсийн Гал түймэр унтраах, аврах 63 дугаар ангийн алба хаагчид 3.5 км замыг туулан 15:54 цагт очжээ.
Тодруулбал, 30х10 метрийн хэмжээтэй нийтийн байранд иргэн Д-ийн 3х4 метрийн хэмжээтэй өрөөний таазны хэсэг шатаж иргэд унтраасан байсныг шалгаад буцсан байна. Тус гал түймэрт 55 настай эмэгтэй иргэн Д-ийн цээж, 2 гар, хоолой, нүүрний баруун хэсэг, 30 настай эмэгтэй С-ийн нүүрний баруун хэсэг тосонд түлэгдсэн байсныг НЯТТ-ийн эмчид хүлээлгэн өгчээ.
Г.ХОНГОР
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.