НИЙГЭМНИЙСЛЭЛ

Ахуйн үйлчилгээний төвөөс Саппоро хүртэлх замын гол зүлэгтэй боллоо

Ахуйн үйлчилгээний төвийн уулзвараас Саппорогийн уулзвар хүртэлх 15000м.кв замын голын бульвар бүхэлдээ ногоон зүлэгтэй, бүрэн тохижилттой боллоо.

Улаанбаатар хотын Захирагчийн ажлын алба, Хот тохижилтын газар ОНӨААТҮГ-аас Энэбишийн өргөн чөлөө дагуу Өргөө кинотеатрын уулзвараас Ахуйн үйлчилгээний төвийн уулзвар хүртэлх 8429м2 талбай буюу 1км үргэлжлэх замын гол булеварийг тохижуулах ажлыг 04 сарын 11-ээс 06 сарын 11-ний өдөр хүртэлх 2 сарын хугацаанд хийж гүйцэтгэлээ. Зүлэгжүүлэлт хийж, 1279ш ногоон шон суулгаж, 1918.5м тросс татаж, 2558ш гэрэл ойлгогч нааж, 184 саванд 920ш гоёлын мод тарьж дууслаа.

Хотын төвийн хүн амын нягтрал, хөл хөдөлгөөн ихтэй уг газарт жил бүр шугам сүлжээний ажил хийж, нөхөн сэргээлт хийлгүй орхигдуулж, ямар нэг арга хэмжээ авалгүй сул шороон хөрстэй байсаар ирсэн. Энэ жил тус албанаас талбайг бүрэн зүлэгжүүлж доороо шугам сүлжээтэй хэсэгт зөөж тээвэрлэх боломжтой торхтой гоёлын торхтой мод тарив.

Улаанбаатар хотын Захирагчийн ажлын албанаас 2019 онд Аюушийн өргөн чөлөө буюу Өргөө кинотеатрын уулзвараас баруун тийш Саппорогийн уулзвараас хүртэлх замын голын булеварьт 1350 ширхэг бортоготой гацуур мод тарьж, иргэдэд зориулсан 5925м.кв явган зам, 4700м троссон хашлага, сандал, хогийн сав хийж, 10 гаруй нэр төрлийн гоёлын мод тарьж, зүлэгжүүлэн арчилгааг тус компани хариуцан өдөр бүр хийж байна.

Энэ мэдээнд өгөх таны үнэлгээ
Like
Love
Haha
Wow
Sad
Angry
Таг

Холбоотой мэдээ

Нэг сэтгэгдэл

Хариулт үлдээх

АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Back to top button