Энэ удаагийн Европын аваргад түрүүлэх магадлалтай гол багуудын нэг нь Францын шигшээ байлаа. Байлаа гэсний учир нь 2018 оны дэлхийн аварга тэд Европын аваргаас ганзага хоосон буцах нь.
Өнгөрсөн шөнө Францын шигшээ Швейцартай өрсөлдсөн. Энэ тоглолтод Швейцарыг хожно гэж таамагласан хүн хэр олон бол. Тоглолт эхнээсээ эсрэгээрээ өрнөсөн. Гоолын салхыг францчууд бус Швейцарын тоглогч Харис Сеферович хагалсан.
Францад юу л байна тод од, гоол оруулах бүрэн чадвартай тоглогчид бий. Бензема хоёр минутад хоёр гоол оруулж, Погба дахин нэгийг шигтгэн, үүнийг батлав. Ингээд тоглолтыг тэд 3:1-ээр тэргүүлж байлаа.
“Ялагч тодорхой боллоо” гэж байтал швейцарчууд бууж өгөөгүй, тэмцсээр байлаа. Бүр 81, 90 дэх минутад гоол оруулж, тоглолтыг харьцааг тэнцүүлэв.
Ийнхүү тоглолтын үндсэн цаг дуусаж, ялагчийг торгуулийн цохилтоор тодруулах боллоо. Хоёр баг ээлж дараалан торгуулийн цохилтоо оруулсаар байв. Гэвч супер од болон гялалзаж буй К.Мбаппе алдсанаар 5:4-өөр Швейцарын шигшээ хожиж, дараагийн шатанд шалгарлаа.
Мөн өнгөрсөн шөнө Хорват, Испанийн шигшээ баг өрсөлдлөө. Эл тоглолтод Испанийн хөлбөмбөгчид өрсөлдөгчөө 5:3-аар хожлоо.
Өнөө шөнө 00.00 цагт Герман Англи, 03.00 цагт Швед Украин хоорондоо өрсөлдөнө.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
энэ удаагийн Европын аваргаар *Ит�##�и* тодорч Аваргын цом өргөнө харж л байгаарай,