Хөлбөмбөгийн Европын аварга шалгаруулах тэмцээн том багуудад тун халгаатай үргэлжилсээр. Дэлхийн аварга Франц гэртээ харихаар болсон бол өнгөрсөн шнө Английн хөлбөмбөгчид Германыг үзэгчдийн суудалд шилжүүллээ. Эл тоглолтод Рахим Стерлинг, Харри Кэйн нар гоол оруулж, багаа хожилд хөтөлсөн юм.
Ингэснээр Рахим Стерлинг том тэмцээнд гурван гоол оруулсан Германы хоёр дахь тоглогч, Харри Кэйн тив, дэлхийн аваргад долоо дахь гоолоо орууллаа. Кэйн Рүүнийгийн амжилттай зэрэгцэв. Үүний сацуу Харри Кэйн Европын аваргад анх удаа гоол оруулж байгаа нь энэ.
Хоёрдугаар хагаст Грилишийг талбайд гаргасан нь Английн шигшээгийн тоглолтод их нөлөөлж, үр дүнгээ өгсөн.
Ингэснээр Английн шигшээ баг Европын аварга шалгаруулах тэмцээний хасагдах шатанд түүхэндээ анх удаа үндсэн цагт хожлоо. Тэд Германыг 55 жилийн дараа хасагдах шатанд хожиж байгаа нь энэ. Англичууд хамгийн сүүлд буюу 1996 оны ДАШТ-д тэднийг хожиж байсан юм.
Одоо Английн шигшээ шөвгийн наймд Украинтай өрсөлдөнө.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.