Нийгмийн

Эрүүл мэндийн даатгалын сангаас тарифт нэмэлт өөрчлөлт оруулжээ

Коронавируст халдвар /Ковид-19/-ын цар тахлын дэгдэлтийн үед үзүүлэх эрүүл мэндийн цогц тусламж үйлчилгээг эрүүл мэндийн даатгалын сангаас санхүүжүүлэх нөхцлийг бүрдүүлж тарифт нэмэлт өөрчлөлт орууллаа.

Коронавируст халдварын гүйцэтгэлийн санхүүжилт, вирусын эсрэг эмийн хуваарилалт, зарцуулалтын талаар мэдээлэл хүргэх, санал солилцох цахим хурал мягмар гарагт боллоо.

Хуралд Эрүүл мэндийн яамны Төрийн нарийн бичгийн дарга Ц.Эрдэмбилэг, ТЗУГ-ын дарга П.Эрхэмбаяр, НЭМТБХЗГ-ын дарга Л.Энхсайхан болон аймгийн Эрүүл мэндийн газар, Нэгдсэн эмнэлэг, Нийслэлийн Эрүүл мэндийн газар, түүний харьяа эрүүл мэндийн байгууллагуудын дарга, удирдлага, холбогдох албан тушаалтнууд оролцлоо.

Хурлаас Эрүүл мэндийн сайд, Сангийн сайдын хамтарсан 67/А/268 дугаар тушаал, А/387/97 дугаар тушаалуудын хэрэгжилтийн талаар мэдээлэл өгч, коронавируст халдвар (КОВИД-19)-ын эсрэг эмийн хуваарилалт, зарцуулалтын талаар нэгдсэн ойлголтод хүрч, зарим асуудлыг орон нутаг, тухайн нутаг дэвсгэрийн хэмжээнд болон гүйцэтгэлийн санхүүжилтийн хүрээнд шийдвэрлэх талаар хэлэлцэж шийдвэрлэлээ.

Энэ мэдээнд өгөх таны үнэлгээ
Like
Love
Haha
Wow
Sad
Angry
Таг

Холбоотой мэдээ

Нэг сэтгэгдэл

Хариулт үлдээх

АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Back to top button