Өмнөговь аймгийн нийт нутгаар үргэлжилсэн борооны улмаас улсын чанартай автозамууд үерт өртөж аюултай нөхцөл байдал үүссэн тул Улаанбаатараас Өмнөговь чиглэлийн Цогт-Овоо дахь Шалган нэвтрүүлэх цэг дээр хөдөлгөөнийг тодорхойгүй хугацаагаар хязгаарлалаа.
Иймд иргэдийг шаардлагагүй тохиолдолд сум хооронд автомашинаар зорчихгүй байхыг Өмнөговь аймгийн онцгой байдлын газраас мэдэгджээ.
Тодруулбал, Даланзадгад- Улаанбаатар чиглэлийн авто зам 304 км-т далан урсаж, машин зорчих боломжгүй болжээ. Мөн Даланзадгад-Шивээхүрэн боомт чиглэлийн 3-11км-т зам давж урссан, 31,5км-т хөвөө далан урсаж хучилтын нэг урсгал 20м орчим цөмөрсний улмаас зорчих боломжгүй болсон байна.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.