З.Мэндсайхан: Ургац хураалтад оюутан, цэргийн албан хаагч, ажил хайж буй иргэдийг оролцуулна
Засгийн газрын ээлжит хуралдаан яг одоо үргэлжилж байна. Хурлаас гаргасан зарим шийдвэрийг Засгийн газрын сайд нар танилцуууллаа.
Ургац хураалтын асуудлаар Хөдөө аж ахуйн сайд З.Мэндсайхан мэдээлэл өглөө.
Тэрбээр “Энэ жил өнгөрсөн жилүүдээс илүү ургац хурааж авах дүр зураг харагдаж байна. Намрын ургац хураалтын бэлтгэл хангах цаг үе ирээд байна. 616 мянган га газар үр тариа тарьсан. Тиймээс энэ жил харьцангуй боломжийн ургац авна. Тулгамдаж байгаа асуудал нь орон нутгийн замын эвдрэл ургац хураалтыг саадгүй тээвэрлэх асуудал байна.
Засгийн газрын тогтоолоор замын асуудал шийдвэрлэхээр боллоо. Мөн ажиллах хүчинд оюутан залуус, цэргийн албан хаагч, ажил хайж буй иргэдийг татан оролцуулах тогтоол гарлаа. Хөдөлмөрийн гэрээгээ багуулаад цалинтай ажиллана. 8000 орчим ажлын байр бэлэн байна. Өдрийн 50000 төгрөгөөр ажиллуулах боломжтой гэдгээ аж ахуй нэгжүүд илэрхийлсэн” гэв.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.