Нийгмийн

Монголд анх удаа цахим визээр солонгос жуулчин ирлээ

Монгол Улс аялал жуулчлалыг дэмжиж, жуулчдын тоог нэмэгдүүлэх зорилгоор  2021 оны аравдугаар сарын 1-ний өдрөөс дэлхийн 36 орны иргэдэд цахим виз олгож буй. Тэгвэл Монгол Улс анх удаа цахим визээр гадаадын иргэн нэвтрүүллээ.

Цахим визээр нэвтэрсэн анхны гадаадын иргэн нь Солонгос улсын иргэн  Ким Тэк Хээ байсан бөгөөд 2021 оны аравдугаар сарын 25-нд жуулчин буюу К2 ангиллын визийг цахимаар мэдүүлж, ийнхүү мөн сарын 30-нд Сөүл-Улаанбаатарын нислэгээр Монгол Улсад иржээ. 

Шинэчлэн баталсан “Монгол Улсын виз олгох журам”-аар гадаадын иргэдэд 64 ангиллын виз олгож байгаа бөгөөд үүнээс аялал жуулчлал /К2/, спорт, соёл урлагийн үйл ажиллагаанд оролцох /К4/, дамжин өнгөрөх /К6/ ангиллын визийг манай улс цахимаар олгож байна. 

Цахим визийн Evisa.mn систем нэвтэрснээс хойш өнөөдрийн байдлаар таван орны 30 гаруй иргэн цахимаар виз мэдүүлээд байна. 

Энэ мэдээнд өгөх таны үнэлгээ
Like
Love
Haha
Wow
Sad
Angry

Нэг сэтгэгдэл

Хариулт үлдээх

АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Холбоотой мэдээ

Back to top button