“Үндэсний хөрөнгө оруулалтын банк”-нд байршуулсан төрийн 114.1 тэрбум төгрөг асуудалд ороод байгаа тухай дуулиан мэдээлэл тасралтгүй хөвөрч байна. Тус банк нь Д.Сумъяабазар, Д.Дагвадорж хоёр ах дүүгийнх гэх боловч ТАВАН хувьцаа эзэмшигчтэй.
Тус банкны 56.9 хувийг Асашёрюү Д.Дагвадорж, 15.9 хувийг Хотын дарга Д.Сумъяабазар, 15.9 Б.Баярсайхан, 5.3 хувийг Ч.Маралмаа, 5.7 хувийг Японы хөрөнгө оруулалттай “UB DIVERSIFIED” LLC компани тус тус эзэмшдэг. Анх 2016 онд Д.Сумъяабазар, Б.Баярсайхан нарын нэр бүртгэлтэй байсан бол 2019 онд үлдсэн гурав нь хувь эзэмшигчээр нэмж бүртгүүлсэн байдаг.
Тэгвэл хэд хэдэн төрийн байгууллагын их хэмжээний мөнгө гацаад буцаан авч чадахгүйд хүрээд байгаа нь ойрын өдрүүдэд анхаарал татах гол сэдвүүдийн нэг болоод байна.
“Эрдэнэт үйлдвэр”-ийн 44 тэрбум төгрөг,
“Эрдэнэс Тавантолгой”-н 26.9 тэрбум төгрөг,
Нийгмийн болон эрүүл мэндийн даатгалын сангийн 24 тэрбум төгрөг,
Сангийн сайд Б.Жавхлан ах дүү хоёрын банканд орж царцсан мөнгийг татаж, өөр банкуудад төвлөрүүлэх шийдвэрийг арваннэгдүгээр сарын 01-ний өдөр гаргасан байна.
Үндэсний хөрөнгө оруулалтын банк нь 2020 оны жилийн эцсийн байдлаар 12.2 тэрбум төгрөг, 2021 оны хагас жилийн байдлаар 36.5 тэрбум төгрөгийн ашигтай ажилласан хэдий ч төрийн нэг ч төгрөгийг гаргаж өгөхгүй байгаа юм.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Ч.Хүрэлбаатарын сайт
Иймэрхүү луйварчингуудыг ажлаас нь х�##�ж, шоронд хатааж байгаад бүх өр төлбөрийг нь барагдуулсны дараа бүх өмчийг нь хурааж, үе удмаар нь төрийн �##�банд ажиллуулдаггүй хуультай болговол дахиж иймэрхүү луйвар хийх хүн бараг л гарахгүй дээ.