Улсын Ерөнхий прокурор Б.Жаргалсайхан өчигдөр УИХ-ын гишүүн Ё.Баатарбилэг, Н.Алтанхуяг, Г.Амартүвшин, Х.Ганхуягнарын гишүүдийн бүрэн эрхийг түдгэлзүүлэх саналаа УИХ-ын дарга Г.Занданшатарт хүргүүлсэн.
Тэгвэл эл асуудлыг хэзээ шийдвэрлэх талаар МАН-ын бүлгийн дарга Д.Тогтохүрэн мэдээлэл өглөө.
Тэрбээр "Сая УИХ-ын даргын дэргэдэх зөвлөл хуралдаж, энэ талаар сонслоо. Энэ долоо хоногийн хэлэлцэх асуудлын төлөвлөгөөнд өөрчлөлт оруулсан. Маргааш Халдашгүй байдлын дэд хороо хуралдана. Нөгөөдөр Хуульзүйн болон Төрийн байгуулалтын байнгын хороо хуралдана. Баасан гарагт УИХ-ын чуулганаар хэлэлцэнэ гэж шийдлээ.
УИХ-ын тухай хуулийн есдүгээр зүйлд зааснаар энэ асуудлыг ажлын тав хоногт багтааж шийдвэрлэх ёстой. УИХ-ын гишүүдэс нууцаар санал хураалт авна. Тэгэхээр гишүүд өөрсдийн итгэл үнэмшлээр саналаа өгнө гэсэн үг. Түдгэлзүүлэх үндэслэл байна уу үгүй юу гэдгийг Халдашгүй байдлын дэд хорооны гишүүд л шийднэ. Бид тэдний дүгнэлтийг голлож шийдвэрээ гаргадаг хүмүүс" гэлээ.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Өө хөөрхий Алтанхуяг яасын зам тавьж 21 аймгийг нийслэлтэй холбосон нийслэлийн замын уулзваруудыг сайжруулсан нүгэлтэй гэж шалгахаар шийдэж байгаа юум байх даа гэтэл хөгжилийн банкинд нөлөөлж цементийн үйлдвэрт зээл олгуулсан гэж дуудуулаад байсан Бямбацогт яагаад сугарч үлдэх ёстой гэж хэзээ ww стандартгүй болж энэ төр хүн бүхэнд адил тэгш ханддаг болох вэ мэдэх хүн байна уу эсвэл ард олон гудамжинд гарч шаардах ёстой юу Бямбацогт хувийн бизнесээ дэмжүүлсэн бол Алтанхуяг нийт иргэдийн төлөө ажил хийлэгсэн биз дээ хэн нь шудрага вэ харьцуулцагаая