Нийгмийн

ХБИ, нялх хүүхэдтэй ээжүүдэд төрийн үйлчилгээг ГЭРЭЭР үзүүлж эхэллээ

Сүхбаатар дүүргийн Засаг даргын Тамгын газраас санаачлан хөгжлийн бэрхшээлтэй иргэд, тэдний асран хамгаалагчид, нялх хүүхэдтэй гэрээс гарч амждаггүй аав, ээжүүдэд төрийн үйлчилгээг хүргэх зорилгоор гэрээр болон хороодын Иргэний танхимаар үйлчилж эхэлжээ.

Дүүргийн Засаг дарга захирамж гарган үйлчилгээ хүргэх хэлтэс, нэгжүүдээс бүрдсэн ажлын хэсгийг Засаг даргын орлогч М.Алтангэрэлээр ахлуулан байгуулж, үүрэгжүүллээ.

Ажлын хэсэгт Засаг даргын Тамгын газрын Төрийн захиргааны удирдлагын хэлтэс, Нийгмийн хөгжлийн хэлтэс, дүүрэг дэх Улсын бүртгэлийн хэлтэс, Нийгмийн даатгалын хэлтэс, Хөдөлмөр, халамж үйлчилгээний хэлтэс, Газар зохион байгуулалтын албанаас төрийн үйлчилгээг бүх хэлбэрээр хүргэн хөдөлмөр эрхлэлтийг дэмжих, нийгмийн даатгал, улсын бүртгэл, газар эзэмших, өмчлөх тухай зөвлөмж, мэдээллийг өгч байна.

Мөн эрүүл мэндийн үйлчилгээтэй холбоотой асуудлыг шийдвэрлэж, газар дээр нь шийдвэрлэх боломжгүйг эргэн мэдээлэхээр ажиллаж байна. Энэхүү үйлчилгээ нь өнөөдрөөс эхлэн 06 дугаар сарын 02-ны өдөр хүртэл хороодод батлагдсан хуваарийн дагуу явагдах аж.

Энэ мэдээнд өгөх таны үнэлгээ
Like
Love
Haha
Wow
Sad
Angry

АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

guest
0 Сэтгэгдэл
Inline Feedbacks
View all comments

Холбоотой мэдээ

Back to top button
0
Would love your thoughts, please comment.x
()
x