Дархан-Уул: Гал бүрэн унтраагүй, хоёр хүн олдохгүй хэвээр байна
Дархан-Уул аймгийн Дархан сумын гуравдугаар багийн нутаг дэвсгэр дэх “Тэс Петролиум” ХХК-д гал түймэр гарлаа гэсэн дуудлага өнөөдөр буюу арванхоёрдугаар сарын 01-ний өглөө 09 цагт Онцгой байдлын газарт иржээ. Алба хаагчдыг очиход 2000 тоннын багтаамжтай АИ-92 шатахууны нөөцийн сав шатаж байсан бөгөөд унтраахаар одоог хүртэл хүч нэмэгдүүлэн ажилласаар байна. Дуудлагын дагуу гал түймэр унтраах, аврах 22, 54, Сэлэнгэ аймгийн Онцгой байдлын газрын Гал түймэр унтраах, аврах 19, 61 дүгээр ангийн алба хаагчид үүрэг гүйцэтгэж байгаа юм.
Бид нэг иргэнийг галаас гаргаж, эмнэлэгт хүргэсэн ч тусламж авч чадалгүй нас барсан. Нөгөө хоёр иргэн олдохгүй байгаа тухай мэдээлсэн.
Тэгвэл эдгээр иргэдийн амьд үлдсэн байх найдвар маш бага буюу одоо ч олоогүй хэвээр байгаа юм байна. Мөн галыг хоёрхон аймгийн хүчин чадлаар унтраах боломжгүй болсон тул Улаанбаатар, Эрдэнэт зэрэг хотуудаас техник болон гал унтраах багийнхан тус аймаг руу хөдөлжээ.
Мөн гал айл өрх рүү халдах магадлал бага төвөөс зайдуу учир иргэдийг тайван байхыг аймгийн удирдлагууд зөвлөж байна. Гал гарсан шалтгаан одоогоор тодорхойгүй, мэргэжлийн байгууллагаас тодорхой болсны дараа мэдээлээл өгөх аж.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.