Аргентины шигшээ багийн довтлогч Лионель Месси “Inter Miami” багтай 2025 оны төгсгөл хүртэл тоглох гэрээ хийсэн байна. 36 настай тэрбээр 2022-оос 2023 оны улиралын эцэст “Paris Saint Germain” багтай гэрээгээ сунгаагүй тул чөлөөт агент болсон билээ. Түүнийг өөрсдийн лигт тоглуулахын тулд Саудын Арабын “Al-Hilal” клуб жил бүр 400 сая ам.долларын цалинтай гурван жил тоглох санал тавьсан.
“Inter Miami” багт Месси тоглохоор шийдсэн гэх албан ёсны мэдээлэл гарсны дараа “Al-Hilal” түүнд амласан цалингаа нэмж жил бүр 534 сая ам.доллар өгөхийг санал болгосон ч Месси үүнийг нь хүлээн авалгүй “Inter Miami”-д тоглохоор гарын үсэг зуржээ.
Тэрбээр шинэ клубт тоглох гэж байгаа талаарх сэтгэгдлээ илэрхийлэхдээ “Inter Miami болон АНУ-д эхлүүлэх карьерынхаа дараагийн алхмыг тавьсандаа би маш баяртай байна” гэж хэлсэн байна. Inter Miami нь 2018 онд үүсгэн байгуулагдаж АНУ-ын Дээд лигийн хөл бөмбөгийн тэмцээнд 2020 оноос эхлэн өрсөлдөж ирсэн клуб юм.
Эх сурвалж: BBC
Б.БУЯНДОРЖ
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.