Өнөөдөр /2023.11.16/ УИХ-ын чуулганаар Хянан шалгах түр хорооны бүрэлдэхүүнд өөрчлөлт оруулах тухай асуудал /Төрийн болон орон нутгийн өмчит, өмчийн оролцоотой зарим компаниудын үйл ажиллагаанд хяналт шалгалт хийх, хяналт шалгалтын тайланг Улсын Их Хуралд танилцуулах/-ыг хэлэлцэж байна.
Энэ үеэр УИХ-ын гишүүн Б.Бат-Эрдэнэ Хянан шалгах түр хорооны гишүүд хуралдаа ирдэггүй, сонсголыг товлохгүй удаан хугацаанд хойшлуулж байгааг шүүлмжлэв.
Тэрбээр, "Нүүрсний түр хроооны бүрэлдэхүүнд ямар учир шалтгаанаар өөрчлөлт оруулаад байна вэ. Жишээлбэл, даргалж байсан хүмүүс нь хэд хэд солигдлоо. Шүүх дээр ч олон хойшиллоо. Тиймээс энэ нүүрсний нээлттэй сонсголыг даруй товлоод хийгээд өгмөөр байна. Яагаад хурал товлогдохгүй хойшлоод байгаад юу нөлөөлөөд байна вэ. Энэ асуудал дээр МАН, АН-ын үе үеийн төрийн эрх барьж байсан хүмүүс бие бие рүүгээ чихээд байх хэрэг байхгүй. Дээр харж байхад Б.Энхбаяр түр хорооны хурлаа хийж чадахгүй байна лээ. Түр хорооны гишүүд нь ирдэггүй ийм асуудал байсаар байгааг гайхаж байна. Энд ашиг сонирхол байна уу" гэлээ.
Харин түүний хөндсөн асуудлыг УИХ-ын дарга Г.Занданшатар дэмжиж, "Б.Бат-Эрдэнэ гишүүний хэлж байгаа асуудал маш зөв. Үүнтэй холбоотойгоор гишүүд улсын чухал асуудал хэлэлцэж байхад хуралдаа суухгүй, ирэхгүй байгаа нь өөрөө ашиг сонирхлын зөрчилтэй гэж харагдахаар байна. Тиймээс тэдгээр гишүүдэд хатуу сануулга өгнө" гэв.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Asar ih ashig sonirholiin zorchil baina gesen ug shuu dee
Хамаарал бүхий нөхдүүд хуралд суухгүй сунжруулж байгаад замхруулах сонирхолтой байгаа нь тодорхой.