Улс төрийн мэдээ

Ерөнхийлөгч С.Баярцогтыг, Ерөнхий сайд Х.Баттулгыг дэмжсэн АН-ын ХУВААГДАЛ

АН доторх фракцыг Ц.Элбэгдорж, Х.Баттулга хэмээн хувааж, ХЗДХ-ийн сайд асан Х.Тэмүүжин тайлбарлалаа.

Сүүлийн үед Засгийн газраас удаа дараа өгч буй мессежээр, нээрэн л АНУ-аас Ц.Элбэгдорж АН-ыг хутгаж, үймүүлж, өөрийн хүмүүсээ шигтгэхийг оролдож байгаа гэх төсөөлөл буух болов.

Атал эрх баригч намын нөлөө ч АН-д бий.

Ноднингоос л Ерөнхийлөгч асан Х.Баттулгыг Ерөнхий сайд Л.Оюун-Эрдэнэтэй тодорхой хэмжээнд гар барьсан гэдэг мэдээлэл явсан. Х.Баттулга парламентад хөл тавина, тэгээд хамтарсан ЗГ байгуулна гэж яригдсан. Энэ тохироо өдгөө алдагдаагүй байгааг Х.Баттулгыг таг мартчихсан юм шиг дүр эсгэж буй эрх баригчдаас харж болно.

Нөгөө талаас, С.Баярцогтыг Ерөнхийлөгч У.Хүрэлсүхийн зүгээс дэмжсэн нь түүнээс ч өмнөөс яригдах болоод удаж байна. Ер С.Баярцогтыг гурван шатны шүүхээр гэм буруутай гэж үзсэн ч прокурорын шатанд эргээд хэрэгсэхгүй болсон зэргийг У.Хүрэлсүхтэй холбож, тайлбарлах нь ч бий. Ямартай ч АН-ын даргаар С.Баярцогтыг болговол Ерөнхийлөгч дэмжинэ гэдэг байр суурь илэрхийлсэн нь үнэн. Гэвч тэгээгүй.

Өдгөө Л.Гантөмөрийн цаана, эрх баригч намын нөлөө талаас нь харвал Ерөнхийлөгчийн бөгөөд Ерөнхий сайдын дэмжлэгийг хүртсэн хоёр фракц бийг ойлгож болох юм.

Гэхдээ Х.Баттулгын тал илүү хүчтэй байна. Дээр нь С.Баярцогт зарим тохирооноос буцаж, урван шарваж буй нь ч өчигдөр мэдээлэл хийсэн АН-ын удирдлагуудад таалагдаагүй гэж яригдаж байна. Мөн Ерөнхий сайдын Ц.Элбэгдоржийн эсрэг хийсэн тэмцэл ч чухамдаа Ерөнхийлөгчийн АН дахь нөлөөг тодорхой хэмжээнд хязгаарлаж чадав.

Одоо С.Баярцогт тойрогт ч, жагсаалтад ч байхгүй.

М.ТЭНГИС

Энэ мэдээнд өгөх таны үнэлгээ
Like
Love
Haha
Wow
Sad
Angry

АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

guest
7 Сэтгэгдэл
Хуучин
Шинэ Шилдэг
Inline Feedbacks
View all comments
Зочин
Зочин
2024-05-28 10:08

Ерөнхийлөгч арай тийм хөгийн үйлдэл хийгээгүй блгүй.худлаа

Зочин
Зочин
2024-05-28 11:11
Reply to  Зочин

Хүрэлсүх тийм б�##�ай юм хийж мэдэх л хүн л дээ!

Зочин
Зочин
2024-05-28 10:16

Данх ч угаасаа л Жонхууд дагаар орсон. Хэрээ Баатарын найруулгатай ажлыг гардан хийж байгаа. МАН -ын засаглаад гэж андуурав

Зочин
Зочин
2024-05-28 13:17

Жонхуу МАН-ыг гардан удирдаж бна шүү.
Данх бол МАН- аа тэврээд Жонхуугийн кармаанд тэлчилж бна !
Эрхэм олон гишүүд минь ээ ! Энхрий хайрт МАН-аа Оросын тавиул, төвдийн гарз нохойн хэвтэр-ээс татаж гаргаж авах гүй юм уу ?!

Зочин
Зочин
2024-05-28 14:09

Баттулга одоо болимоор юм, хэдэн удаа сайд болсон, ерөнхийлөгч болоод юу хийв, Монголд л ийм үзэгдэл байх юм

Зочин
Зочин
2024-05-28 16:16

Баттулгыг дэмжмнэ

Зочин
Зочин
2024-05-28 16:53

Батлага-г жийгээд өгөхийг сонгогч нараас нь хүсэж бна

Холбоотой мэдээ

Back to top button