МҮХАҮТ-ын ерөнхийлөгчийн албаа УИХ-ын гишүүний суудлаар "солилоо"

"Шарк" тодотголтой Д.Энхтүвшин МАН-ын жагсаалтаар МҮХАҮТ-ын ерөнхийлөгчийн суудлаа солилоо.

Тэрбээр, өөрийн цахим хуудаснаа "Ёс зүйн шийдвэр гаргаж МҮХАҮТ-ын ерөнхийлөгчөөс чөлөөлөгдөх хүсэлтээ өгч сонгуулийн ажлыг үргэлжлүүлье гэж шийдлээ. Хэрвээ УИХ-д сонгогдвол эдийн засаг дахь хувийн хэвшлийн оролцоог нэмэгдүүлэх, тэдгээрийн нийтлэг эрх, хууль ёсны ашиг сонирхлыг хамгаалах, бизнес эрхлэх татвар, хууль эрх зүйн орчныг сайжруулах чиглэлд хичээн ажиллах болно" хэмээжээ.

Уг нь дөрөвхөн хоногийн өмнө "Эрх баригч намаас сонгуульд нэр дэвших нь ёс зүйгүй санагдаж байна" хэмээн нүүр хуудастаа бичиж байв.

Гэвч урваж шарвасаар нэр дэвших эрх нь өчигдөр баталгаажиж, өнөөдөр албан тушаалаа өгөх шийдвэрээ гаргаж байна.

МҮХАҮТ-ийн ерөнхийлөгч гэдэг хувийн хэвшил болоод хувиараа бизнес эрхлэгчдийн эрх ашгийг хамгаалж учиртай хүн. 2023.09.20-нд сонгогдож байв. Харамсалтай нь ийм үүрэг хүлээгээд жил ч хүрэлгүй буцлаа.

Сонгуулийн бужигнаан давхцсан энэ өдрүүдэд хувийн хэвшлийн эрх ашгийг хяхах боох үйл явдлууд ар араасаа гарсаар байгаа билээ. Ийм үед МҮХАҮТ-ийн ерөнхийлөгчийн суудлаа хаяад эрх баригчидтай нэг завинд суугаад яваад өгсөн үйл явдал болж байна.

У.УЯН

Энэ мэдээнд өгөх таны үнэлгээ

Хуваалцаарай Жиргээрэй