Т.Цэцэндэлгэрийг Монголын иргэншилтэй байж болзошгүй тул ОХУ-ын Эрүүгийн хуулиар яллах боломжгүй

Москвагийн Лефортово дүүргийн шүүх Тува улсын филармонийн гоцлол дуучин Т.Цэцэндэлгэрийг тагнуулын хэргээр шалган баривчлах шийдвэр гаргасан билээ.

Оросын сэтгүүлчдийн мэдээлснээр Т.Цэцэндэлгэрийг 1-р сард хорих арга хэмжээ авах шийдвэрийг шүүхээс гаргасан бөгөөд түүнийг хорих болсон хэргийн нарийн мэдээлэл одоо болтол албаныхны зүгээс мэдээлээгүй байгаа юм. Оросын хуулиар тагнуулын  хэргийг зөвхөн өөрийн улсын иргэншилтэй хүнд оногдуулдаг бөгөөд түүнийг Монгол Улсын паспорттай хэмээн үзэж буй. Түүнийг ОХУ-ын Эрүүгийн хуулийн 276-р зүйл буюу

• Гадны болон олон улсын байгууллага, тэдгээрийн төлөөлөгч нь төрийн нууцын бүрэлдэхүүнд багтах мэдээллийг бусдад шилжүүлэх, цуглуулах, хулгайлах, хадгалах,
• ОХУ-ын аюулгүй байдлын эсрэг ашиглах зорилгоор гадаадын тагнуулын алба эсвэл бусад ашиг сонирхлын үүднээс мэдээллийн үйл ажиллагаа явуулдаг этгээдийн өмнөөс шилжүүлсэн, цуглуулсан, хадгалсан бол,
• ОХУ-ын зэвсэгт хүчин болон бусад цэргийн хүчний эсрэг ашиглаж болох мэдээллийг дайсанд шилжүүлэх, цуглуулах, хадгалсан бол,

ОХУ-ын цэргийн ажиллагаа эсвэл ОХУ-ын оролцоотойгоор зэвсэг, цэргийн хэрэгсэл ашиглахтай холбоотой бусад арга хэмжээ буюу тагнуул хийсэн нөхцөлд, эдгээрийг гадаадын иргэн харьяалалгүй хүн үйлдсэн бол” гэх заалтаар баривчлах шийдвэр гаргасан талаар Оросын хэвлэлүүдэд бичжээ.

Т.БАТСҮРЭН

Энэ мэдээнд өгөх таны үнэлгээ

Хуваалцаарай Жиргээрэй