Хуваарь ёсоор долоо хоног бүрийн даваа гарагт УИХ дахь намын бүлгүүд хуралддаг билээ.
Энэ хүрээнд өчигдөр /2025.04.29/ УИХ дахь Ардчилсан намын бүлэг 10.00 цагт “Их Эзэн Чингис хаан” танхимд хуралдаж, шийдвэрээ танилцуулсан. Харин УИХ-ын гишүүдийн ирцтэй холбоотойгоор МАН-ын бүлгийн хуралдаан цуцлагдсан. Учир нь Хойд бүсийн зөвлөлийн анхдугаар хуралдаантай холбоотойгоор гишүүд Булган аймгийг зориод байсан юм.
Харин тус зөвлөлийн хуралдаан өчигдөр орой өндөрлөсөн тул УИХ дахь МАН-ын бүлэг өнөөдөр 15:00 цагаас ээлжит бусаар хуралдахаар болжээ.
Хуралдаанаар дараах гурван асуудлуудыг хэлэлцэнэ.
- Сонгуулийн тухай хуулийн 72 дугаар зүйлийн 72.1 дэх хэсгийн холбогдох заалт Монгол Улсын үндсэн хуулийг зөрчсөн эсэх маргааныг хянан шийдвэрлэсэн тухай Үндсэн хуулийн цэцийн 4 дүгээр дүгнэлтийг хэлэлцэнэ.
- Монгол Улс дахь хүний эрх, эрх чөлөөний байдлын талаарх 24 дэх илтгэлийн мэдээллийг сонсоно.
- Хүүхэд, боловсрол, шим тэжээлийн талаарх танилцуулга, мэдээлэл сонсоно.
Д.ЖАРГАЛМАА
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.