ЭМЯ-наас цаг үеийн ээлжит мэдээллээ хийлээ. Тус яамны хэвлэлийн ажилтан Б.Ууганбаяр хэлэхдээ “Өчигдөр коронавирусийн 2432 тохиолдол бүртгэгдэж, 13 хүн нас барлаа.
Ингэснээр манай улсын нийт батлагдсан тохиолдол 109 694 боллоо. Шинээр батлагдсан тохиолдлын 1519 нь Улаанбаатар хотод, 909 нь орон нутагт, 3 нь эмнэлгээс шалтгаалах халдвар, нэг нь зөөвөрлөгдсөн байна.
Мөн сүүлийн 24 цагийн хугацаанд 1207 хүн эдгэрлээ. Ингэснээр нийт эдгэрсэн хүний тоо 69958 болж байна. Халдварын улмаас нийт нас барсан хүний тоо 518 болж байна. Нас барсан хүмүүсийг насны бүлгээр нь танилцуулбал,
- 41-50 насны нэг хүн
- 51-60 насны гурван хүн зургаан хоног эмчлүүлсэн
- 61-70 насны дөрвөн хүн 14 хоног эмчлүүлсэн
- 71-79 насны таван хүн 4-24 хоног эмчлүүлсэн
- 80-аас дээш насны гурван хүн 9-16 хоног эмчлүүлсэн
- 2 сартай нэг хүүхэд гурван хоног эмчлүүлсэн
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.