Урин дулааны улирал болж буйтай холбоотойгоор гол усны осол ихээр бүртгэгдэх болсон. Ялангуяа иргэд үерлэсэн голыг автомашин, завь, морьтой гатлах үедээ осолдож, амь нас эд хөрөнгөөрөө хохирсоор буй. ГССТ-өөс усанд живэхгүй байх зөвлөмжийг хүргэж байна.
Хүн усан орчинд зүрхний үйл ажиллагаа, зүрхний хэмнэл алдагдаж амьсгалын зам бүтэх явцыг живэлт гэнэ.
–ЖИВЭХЭЭС ХЭРХЭН СЭРГИЙЛЭХ ВЭ?-
-Бага насны хүүхдийг усан орчин буюу гол горхи, бассейнд хараа хяналтгүй орхихоос сэргийлэх,
-Түргэн урсгалтай гүнзгий голын усанд сэлэхээс зайлсхийх,
-Булчин шөрмөс татах үед усанд орохоос татгалзах,
-Архи согтууруулах ундаа хэрэглэсэн үедээ гол нуурын усанд орохоос зайлсхийх
-УСАНД ЖИВСЭН ТОХИОЛДОЛД АНХНЫ ТУСЛАМЖИЙГ ХЭРХЭН ҮЗҮҮЛЭХ ВЭ?-
-Түргэн тусламжийн багийг дуудах,
-Усанд осолдогчийг орчноос хамааран усны урсгалын дээд талаас олс, бургас, мөчир шидэж аврах,
-Живж буй хүнийг татан гаргахдаа ар талаас нь сугадан уснаас гаргах,
-Усанд осолдогч ухаангүй байвал нэн тэргүүнд ходоодонд залгигдсан усыг гаргах осолдогчийн ходоод хэсгийг өөрийн өвдөг дээрээ түрүүлгэн харуулан хэвтүүлж, ар нуруун дээр урагш чиглэлтэй таван удаа хүчтэй дарж өгөх.
-Амьсгал зүрх судсыг дэмжих цээж шахалт болон амнаасаа амьсгал өгнө. Ингэхдээ 30 удаа цээж шахалт, аврагч өөрийн амнаас осолдогчийн ам руу хоёр удаа амьсгал өгөх юм.
О.ЭНЭРЭЛ
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.