Хөлбөмбөгийн Европын аварга шалгаруулах тэмцээний шөвгийн дөрвөн баг тодорлоо.
Том багуудад нэлээд халгаатай, таамаг эвдэж буй энэ удаагийн тэмцээний хагас шигшээд өнгөрсөн шөнө Англи Украиныг 4:0-ээр хожсоноор шалгарав.
Эл тоглолтод Кэйн хоёр, Магуайр, Хэндерсон нар тус нэг гоол оруулж, багаа хожилд хөтөллөө.
Тэд Европын аварга шалгаруулах тэмцээн эхэлснээс хаалгандаа гоол алдаагүй. Ингэснээр хаалгандаа нэг ч гоол алдалгүй шөвгийн дөрөвт шалгарсан тэдний хувьд түүхэн амжилт. Англичуудын багийн зохион байгуулалт, ур чадвараас гадна хаалгач Жордан Пикфортой салшгүй холбоотой.
Мөн өнгөрсөн шөнө Дани Чехийг 2:1-ээр хожлоо. Делани, Долберг нар тоглолтын эхэнд гоол оруулж, багтаа давамгайлал авч ирсэн. Улмаар 49 дэх минутад Чехийн багаас Шик гоол оруулсан ч тусыг эс олов, хэтэрхий оройтсон байлаа.
Ингэснээр “Евро-2020” тэмцээний хагас шигшээд Англи, Итали, Испани, Дани гэсэн дөрвөн баг шалгарлаа. Долдугаар сарын 7-ны 03.00 цагт Англи Испанитай, 8-нд Англи Данитай өрсөлдөнө.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.