Иргэн Б.Эрдэнэчимэг хууль хяналтын байгууллага хүүд нь хилс хэрэг тулгаж, хүнд ял оноосон хэмээн Сүхбаатарын талбайд хөл нүцгэн алхаж эсэргүүцэл илэрхийлж байв.
Тэгвэл энэ талаар УЕПГ-ын Олон нийттэй харилцах албанаас мэдээлэхдээ "Иргэн Л нь 2015 оны хоёрдугаар сарын 17-18-нд шилжих шөнө Баянзүрх дүүргийн нутаг дэвсгэрт согтуугаар иргэн Э-г 62 удаа хутгалж амь насыг нь хохироосон. Мөн иргэн С, Г нарыг алахыг завдсан. Тодруулбал, С-ийг хутгалж биед нь хөнгөн зэргийн гэмтэл учруулсан гэмт хэрэгт холбогдсон.
Түүнд Баянзүрх дүүргийн Эрүүгийн хэргийн анхан шатны шүүх 2018 оны тавдугаар сарын 07-ны өдөр бүх насаар нь хорих ял оноосныг Нийслэлийн Эрүүгийн хэргийн давж заалдах шатны шүүх хэргийг хянан хэлэлцээд 20 жил хорих ял болгон өөрчилсөнийг Улсын Дээд шүүх хэвээр үлдээсэн.” гэв.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.