Өнөөдөр /2021.12.22/ Засгийн газар хуралдаж, “Оюу толгой” төслийн хөрөнгө оруулагч талаас тавьсан саналуудыг хүлээж аван, УИХ-ын холбогдох тогтоолын төсөл батлах асуудлыг хэлэлцсэн.
Улмаар Засгийн газар уг тогтоолын төслийг УИХ-аар яаралтай горимоор хэлэлцүүлэхийг дэмжсэн юм. Үүнээс өмнө Оюу толгойн Түр хорооны хуралдаанаар тогтоолын төслийн агуулгыг танилцуулна гэдгийг ХЗДХ-ийн сайд Х.Нямбаатар мэдээлээд буй.
Тэгвэл яг одоо Оюу толгойн Түр хорооны хаалттай хуралдаан эхэлжээ. Уг түр хорооны албан нэршил нь: “Оюу толгой ордын ашиглалтад Монгол Улсын эрх ашгийг хангуулах тухай” МУИХ-ын 2019 оны 92 дугаар тогтоолын хэрэгжилтэд хяналт тавих, шаардлагатай бол санал боловсруулж, дүнг нэгдсэн хуралдаанд танилцуулах үүрэг бүхий”.
Г.САНСАРМАА
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.