НӨАТ-ын баримтын хоёрдугаар улирлын бүртгэл дуусахад тав хоног үлджээ. Тодруулбал, 2023 оны хоёрдугаар улирлын төлбөрийн баримтын бүртгүүлэх сүүлийн хугацаа энэ сарын 8-ны өдөр хүртэл үргэлжлэх аж.
Төлбөрийн баримтаа долдугаар сарын 8-ны 23:59:59 хүртэл амжиж бүртгүүлж буцаан олголтын урамшууллаа авахыг Татварын ерөнхий газраас санууллаа.
Нэмэгдсэн өртгийн албан татварын тухай хуулийн 15.2.1 энэ хуулийн 15.3-т заасан нөхцөл, шаардлага хангасан албан татвар төлөгчийн тухайн улиралд албан татвар суутган төлөгчтэй хийсэн худалдан авалтад төлсөн албан татварын 20 хүртэл хувийг буцаан олгодог билээ.
Нэгдүгээр улирлын буцаан олголтоор татвар төлөгч 1,143,309 иргэнд 69.2 тэрбум төгрөгийн буцаан олголт өгсөн байна.
О.ОНОН
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.