ФОТО: ЦЕГ, АТГ, УЕПГ зэрэг төрийн байгууллагуудын унаагаар хүүхдээ сургуульд нь хүргэж байна

Өнөөдөр /2019.11.11/ өглөө Цагдаагийн ерөнхий газар, Төрийн албаны зөвлөл хамтран төрийн байгууллагын унааг хувьдаа ашиглан, хүүхдээ зөөж буй эсэхэд хяналт шалгалт хийхээр хэд хэдэн Ерөнхий боловсролын сургуулиуд дээр ажиглалт хийсэн байна. Ингэхэд, төрийн байгууллагуудын хэд хэдэн машин хүүхэд хүргэхээр ирсэн гэдгийг эх сурвалж мэдээллээ.

Тухайлбал, Цагдаагийн ерөнхий газар, Эрдэнэс таван толгой ХК, Нийслэлийн Засаг даргын тамгын газар, Улсын ерөнхий прокурорын газар, Тагнуулын ерөнхий газар, Улаанбаатар хотын цагдаагийн газар, Авлигатай тэмцэх газар, Гадаадын иргэн харьяатын газар, Иргэний нисэхийн ерөнхий газар зэрэг төрийн байгууллагуудын автомашинаар хүүхдээ сургуульд нь хүргэж өгч байгаа зөрчлүүд илэрсэн байна.

ХУУЛИЙН ЗААЛТ:

Төрийн албаны тухай хууль, “Төрийн захиргааны болон үйлчилгээний албан хаагчийн ёс зүйн дүгрэм”-ээр төрийн байгууллагын эд хөрөнгийг хувийн зорилгоор ашиглахыг хориглоно.

Төрийн байгууллагын автомашиныг албаны бус хувийн зорилгод ашиглаж байгаа зөрчил бүрийг иргэн таны оролцоо, хараа хяналтаар илрүүлж таслан зогсоох нь төрийн үргүй зардлыг бууруулахад оруулж буй үнэтэй хувь нэмэр юм. Иймд иргэн та төрийн байгууллагын автомашиныг хувийн зорилгоор ашиглаж байгаа тухай мэдээллийг 24 цагаар “Төрийн албаны зөвлөл” нүүр номын захидлаар эсвэл [email protected] мэйл хаягаар ирүүлэх боломжтой юм.

Т.САНТ

ГЭРЭЛ ЗУРГИЙГ: А.МАНДУУЛ

Өөрийн сэтгэгдлээ илэрхийл

Share Tweet