Найман настай охиныг хүчирхийлж, мөчилж хөнөөсөн Н.Мөнх-Оргил энэ жил суллагдахгүй

Хөвсгөл аймгийн Мөрөн хотод найман настай бяцхан охиныг хүчирхийлж, хэрцгийгээр хөнөөж, хийсэн хэргийнхээ ул мөрийг арилгахын тулд цогцсыг мөчилж, цүнхэнд хийн хаясан хэрэгт тус аймгийн харьяат Н.Мөнх-Оргилыг энэ шоронгоос суллагдана гэсэн мэдээлэл цахим сүлжээнд тархаад байна. Ялтан Н.Мөнх-Оргилд бэлгийн дур хүслээ ёс бусаар хангасан үйлдэлд 10, бага насны охидыг  удаа дараа хүчирхийлсэн хэрэгт 15, охидыг хөнөөхийг завдсан үйлдэлд  10, бага насны охиныг хэрцгийгээр хөнөөсөн хэрэгт нь цаазаар авах оноож, хөнгөн ялыг хүндэд нь багтааж ялын дээд хэмжээ ногдуулсан билээ.

Харин Ерөнхийлөгч асан Ц.Элбэгдорж өршөөл үзүүлж, 25 жилийн хорих ял оноосон. Тиймээс түүний ялын хугацаа дуусахгүй болоогүй мөн онц хүнд хэргээр ялын дээд хэмжээ авсан учраас ямар нэгэн өршөөлд хамрагдахгүй юм. Түүний ялын хугацаа 2035 онд дуусах юм.

Шүүгдэгч Н.Мөнх-Оргил нь найман настай охины амийг хөнөөхөөс гадна Улаанбаатар хотод гурван охиныг орцонд хүчирхийлсэн, хүчирхийлэхийг завдсан хэргээр буруутгагдсан юм. Талийгаач охин Н.Мөнх-Оргилын ахын хамар хашаанд амьдардаг байсан билээ. Охиныг хөнөөсөн нь эд мөрийн баримт, гэрчийн мэдүүлгээр тогтоогдож, түүнд ял оноосон юм.

Хачирхалтай нь, Н.Мөнх-Оргил ганц ч удаа хэргээ хүлээгээгүй бөгөөд одоо хүртэл өөрийгөө “Хилс хэргээр ял эдэлж байгаа” хэмээн ярьдаг аж. Тэгвэл тэрбээр Шүүхийн шийдвэрийн 405 дугаар хорих анги буюу гянданд найман жил хорих ял эдэлж, саяхан Мааньтын хорих руу шилжжээ.

Өөрийн сэтгэгдлээ илэрхийл

Share Tweet