УЛС ТӨР

Вакцин импортлох аж ахуйн нэгжүүдийг төрийн зүгээс дэмжинэ

Шадар сайд, Улсын онцгой комиссын дарга С.Амарсайхан үндэсний хэмжээнд эм ханган нийлүүлэгч “Монос трейд”, “Монгол эм импекс концерн”, “Ач үр” аж ахуйн нэгжүүдийн төлөөллүүдтэй уулзав.

“Ковид-19” цар тахлын эсрэг вакцинжуулалтыг эрчимжүүлэхэд төр, хувийн хэвшлийн хамтын ажиллагаа чухал байгааг Шадар сайд, Улсын онцгой комиссын дарга С.Амарсайхан уулзалтын эхэнд онцолж хэллээ. Энэ хүрээнд вакцины татан авалтыг хурдасгахад шаардлагатай бүх дэмжлэгийг Засгийн газрын зүгээс үзүүлнэ гэдгийг тодотгосон юм.

Эм ханган нийлүүлэгч аж ахуйн нэгжүүдийн хувьд вакцин оруулж ирэхэд хадгалалт, нөөцлөлт хийх бүрэн бололцоотой гэв. “Монос трейд”компани Астразенека вакцин, “Монгол эм импекс концерн”компанийн хувьд ОХУ-ын үйлдвэрлэсэн “Спутник-V”вакциныг оруулж ирэх хүсэлтийг Эрүүл мэндийн яаманд өгсөн байна. Гагцхүү цар тахлын улмаас шууд нислэг зогссоноос үүдэж вакцин тээвэрлэх зардал нэмэгдсэн нь хүндрэлтэй байгааг Засгийн газар бодлогоор дэмжиж өгөхийг хүслээ. Иргэдийг аюулгүй байдал, эрүүл мэндийг сахин хамгаалахад төр засгийн гаргасан бодлого шийдвэрийг дагаж, мөн бүх бололцоог ашиглаж хамтарч ажиллахад бэлэн байгаагаа илэрхийлж байв.

Вакцин импортлох аж ахуйн нэгжүүд Засгийн газрын бодлогын хүрээнд эрсдлийг тооцсон судалгаанд үндэслэж вакцины татан авалтыг хийх юм. 

Энэ мэдээнд өгөх таны үнэлгээ
Like
Love
Haha
Wow
Sad
Angry

Б. Бурмаа

Сэтгүүлч мэргэжилтэй. Сэтгүүл зүйн салбарт 11 дэх жилдээ ажиллаж байна. “Шилдэг залуу сэтгүүлч” болон “Ган үзэг” шагналтай.

АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

guest
0 Сэтгэгдэл
Inline Feedbacks
View all comments

Холбоотой мэдээ

Back to top button