Төрийн аудитын газар орон нутгийн төсөвт 40 тэрбумын орлого төвлөрүүлжээ
Төрийн аудитын байгууллагын 2020 оны үйл ажиллагааны үр дүнг танилцуулж, 2021 онд баримтлах бодлого, чиглэл, үйл ажиллагаагаа төлөвлөн, зорилтоо тодорхойлсон тус байгууллагын удирдах ажилтны нэгдсэн семинар боллоо.
Тодруулбал, Төрийн аудитын байгууллага 2020 оныг “Төрийн аудитын байгууллагын эрх зүйн орчин, стандартын шинэтгэлийн жил” болгон зарласан бөгөөд зорилгоо бүрэн хэрэгжүүлж ажилласан байна. Мөн өнгөрөгч 2020 онд 4,141 аудитыг хийж гүйцэтгэн улс, орон нутгийн төсөвт 40.1 тэрбум төгрөгийн орлого төвлөрүүлжээ.
Энэ үеэр Монгол Улсын Ерөнхий аудитор Д.Занданбат цахим орчинд аудитын үйл ажиллагааны чанарыг алдагдуулахгүйгээр хийх үйл ажиллагааны чиглэл өгөв.
Мөн семинарт оролцсон нийт удирдлагуудад төрийн аудитын байгууллагын ажилтан, албан хаагчдын ажлын хариуцлагыг сайжруулж, аудитын үр дүнг дээшлүүлэх үүрэг, чиглэл өглөө.
Семинарт Үндэсний аудитын газрын болон аймаг, нийслэл дэх төрийн аудитын газрын удирдлагууд оролцсон билээ.
Эх сурвалж: Төрийн аудитын газар
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
ene odoo sanhuugiin aldagtail ajillaj baigaa ulsiin uildveruudee yaj ch chadahgui baiguullagaar yah bee