Шинэ Зеланд улс дотоодоосоо “КОВИД-19”-ийн халдвар бүртгэж авалгүй 100 өдөр болжээ. Тус улсын Эрүүл мэндийн яамнаас мэдээлснээр зургаадугаар сарын 8-ны байдлаар тусгаарлах байгууламжид буй хүмүүсийг эс тооцвол шинэ тохиолдол бүртгэгдээгүй байна. Харин тусгаалалтад буй арван хүнээс халдвар илэрчээ.
Хоёрдугаар сарын 28-ны өдрөөс эхлэн Шинэ Зеланд дотоодоосоо халдвар бүртгэж аваагүй аж. Өнгөрсөн жилийн наймдугаар сараас хойш тус улс халдвар бүртгэж авалгүй 102 өдөр болсон. Гэвч хоёрдугаар сарын 27-ны өдөр Окланд хотод шинэ тохиолдол илэрсний улмаас тус хотод гуравдугаар төвшний хөл хорио тогтоосон аж.
Мягмар гарагийн (2021.06.08) байдлаар Шинэ Зеланд 2336 тохиолдол, бүртгэж авчээ. Зургаадугаар сарын 1-ны байдлаар 432,509 Шинэ Зеландчууд анхны тундаа хамрагдсан байна.
Эх сурвалж: Unilad
Б.БУЯНДОРЖ
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.