Өчигдөр /2021.06.14/ оройн 23:00 цагийн үед Сүхбаатар дүүргийн нутаг дэвсгэрт нэгэн Хятад рестораны өмнө үл таних иргэн архидан согтуурсан үедээ бусадтай маргаж, автомашинаасаа галт зэвсэг гарган иргэдийг айлган сүрдүүлсэн хэрэг гарсан тухай бид мэдээлсэн. Хэргийн процессыг харуулсан камерын бичлэг цахим орчинд түгсэн нь олны анхааралд ороод байна. Тэгвэл эл хэргийн тухай ЦЕГ-ын ХМТ-ийн дарга, хурандаа Б.Баатархүү:
“29 настай эрэгтэй “Б” -г эрүүлжүүлсэн. Хэргийг Сүхбаатар дүүргийн цагдаагийн нэгдүгээр хэлтэст шалгаж байна. Дуудлага өнгөрсөн шөнө ирсэн. Хуванцар үрлэн сумаар бууддаг тоглоомон бууг эд мөрийн баримтаар хураан авсан” хэмээсэн билээ.
Эх сурвалжийн мэдээлснээр тоглоомон буугаар агсам тавьсан иргэн эрүүлжсэнийхээ дараа “Хүн гэмтээх санаа агуулаагүй, маш их гэмшиж байна” хэмээх зүйлсийг мэдүүлжээ.
О.ЭНЭРЭЛ
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.