Ардын хувьсгалын 93 жилийн ойн буюу 2015 оны наадамд тав даван, улсын начин цол хүртсэн Архангай аймгийн Тариат сумын харьяат бөх Н.Адьяабат, Говь-Алтай аймгийн Тонхил сумын харьяат бөх Б.Суманчулуун нараас допинг илэрсэн билээ.
Улмаар тухайн үеийн Ерөнхийлөгч Ц.Элбэгдорж зарлиг гарган, тэдний цолыг хураасан юм. Түүнээс хойш өнөөг хүртэлх хугацаанд Н.Адьяабат, Б.Суманчулуун нар аймгийн арслан цолтой барилдаж байгаа.
Монгол Улсын Ерөнхийлөгч асан Х.Баттулга албаа өгөхөөсөө өмнө буюу зургаадугаар сарын 24-нд зарлиг гарган, Н.Адьяабат, Б.Суманчулуун нарын цолыг хураасныг хүчингүй болгожээ. Улмаар тэдний цолыг хасаагүйд тооцсон байна.
Ингэснээр Н.Адьяабат, Б.Суманчулуун нарын улсын начин цол сэргэлээ. Өнөө жил тэд улсын начин цолтой барилдах нь.
Сонирхуулахад, өнгөрсөн жил улсын наадмын тавын даваанд Н.Батсуурь Б.Суманчулууныг өвдөг шороодуулсан. Улмаар түүнээс допинг илэрсэн тул Б.Суманчулуун улсын начин цол нөхөж авахаар болсон билээ.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Ганзоригийн цол яагаад сэргэсэнгүй вэ. Ардын хүүхдүүдийг �##�аг үзэх муухай.
Суманчулуунд баяр хүргэе, цолоо бат�##�ж сайн барилдаарай
Ганзоригийн цолыг яагаад сэргээсэнгүйв?