Үргэлж маргаан дагуулдаг од Лин Мэй өнгөрсөн амралтын өдрөөр 68 насандаа жирэмсэн болсноо цахим хуудсандаа зарлаж, дахин шуугиан тарилаа.
Тэрбээр инстаграм хуудсандаа өөрөөс нь 30 насаар дүү сүйт залуу, дуучин Маркос Д1-тэй хамт авахуулсан зургийн хамтаар энэ тухайгаа нийтэлжээ. “Би гурван сартай жирэмсэн гэдгээ зарлахдаа баяртай байна. Маркос ч аав болсондоо жаргалтай байгаа” хэмээн жүжигчин бүсгүй бичсэн байна.
Цахим орчинд түүнийг наргиж байна эсвэл олны анхаарлыг татах гэж худлаа ярьж байна гэх үзэл давамгайлж байна. Харин од эмэгтэйн шүтэн бишрэгчид түүний өмнөөс баярлаж байгаагаа илэрхийлжээ.
Лин Мэй өмнө нь хүүхэд төрүүлж байгаагүй учир хэрэв тус мэдэгдэл үнэн бол дуучин бүсгүй анхны хүүхдээ өлгийдөн авах юм. Одоогийн байдлаар түүнийг хүүхэдтэй болохын тулд тээгч эх эсвэл мэс засал ашигласан эсэх нь тодорхойгүй байна.
О.ЭНХЖИН
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Юун тээгч эх вэ ? Наад хүн чинь өөрийгөө 3 сартай гэж зарласан бол өөрөө тээж буй гэсэн үг. Харин тээж буй хүүхэд нь өөрийнх нь мөн эсэх нь асуултын тэмдэг. Наад эмэгтэй чинь өөрийнхөө хадгалуулсан өндгөн эсээр үр тогтоолгосон уу? эсвэл донорын өндөг ашигласан эсэх нь өөр асуудал. Энхжин.