Сонгинохайрхан дүүргийн 22-р хороон дахь Тахилтын авто замаас авто цогцолбор хүртэлх 1.5 км авто зам болон нүхэн гарцыг бүтээх төсөл 40 хувьтай үргэлжилж байна.
Төслийн хүрээнд зам нь 1.5 км урт, 14 метр өргөнтэй, дөрвөн эгнээ зорчих хэсэг, иж бүрэн гэрэлтүүлэгтэй, автомашин, явган зорчигчдод зориулсан нүхэн гарцтай байх юм.
Тахилтын зам ашиглалтад орсноор Орбит, Тахилт болон 22-ын товчоо чиглэлийн авто замыг холбосон шинэ холбоос зам үүсгэх юм. Ингэснээр хотын баруун хэсгийн тээврийн хэрэгслийн хөдөлгөөний ачаалал тодорхой хэмжээгээр буурна.
Энэхүү бүтээн байгуулалтын ажил энэ жилийн аравдугаар сард бүрэн дуусах төлөвлөгөөтэй байна хэмээн Нийслэлийн авто замын хөгжлийн газраас мэдээллээ.
О.ЭНХЖИН
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Таван шарын уулзварыг ТЭЦ4-ын /Эрчим хүчний гудамж/ замтай нүхэн гарцаар холбож өгөөч, өглөө оройгүй гурвалжингийн гүүрээр тойрох гэж 1-р хорооллын замд ачаалал үүсгэх юм.
Жолооч болгонд энд ийм зам тавьчихаж болдоггүй юм байх даа гэсэн санал байгаа. Авто замын хөгжлийн газар хаана ямар зам тавимаар байгаа талаар жолооч нараас санал авдаг суваг нээж болдоггүй юм байх даа?