Н.Наранхүүг маргааш эх оронд нь авчирч, саатуулан шалгаж эхэлнэ

ХЗДХ-ийн сайд Х.Нямбаатар, АТГ, ЦЕГ-ын удирдлагууд өнгөрөгч долоо хоногт БНХАУ руу оргон зайлж, царай төрхөө хувиргаад байсан Д.Наранхүүг эх оронд нь авчрах асуудлаар тус улсад ажилласан юм.

Уг ажлын багийнхан өнөөдөр /2023.09.25/ эх орондоо ирэх бөгөөд Д.Наранхүүг маргааш /2023.09.26/ авчрахаар зохицуулалт хийсэн байна. Түүнийг онгоцны буудлаас шууд саатуулах бөгөөд үргэлжлүүлэн хорих эсэхийг шүүхээр шийдвэрлэх аж.

Д.Наранхүүг УИХ-ын гишүүн Ш.Раднаасэд, ЭТТ-ын Гүйцэтгэх захирал асан Д.Ариунболдтой хамтран бусдад авлига өгөхийг завдсан, мөнгө угаасан гэх үндэслэлээр яллагдагчаар татаад байгаа юм. Тэрбээр нүүрсний хулгайн хэрэг шалгагдаж эхлэхээс өмнө эх орноосоо гарч, улмаар царай төрхөө өөрчилсөн байдалтай явж байгаад БНХАУ-д саатуулагдсан.

Д.Наранхүү нь Засгийн газраас зарласан 5Ш ажиллагааны нэг болох "Шувуу" ажиллагаагаар эх орондоо албадан ирж буй яллагдагчаар татагчдын нэг болж байгаа юм. Харин УИХ-ын гишүүн Ш.Раднаасэдийн тухайд холбогдох хэргүүд нь үндсэндээ боогдож, намрын чуулганы хугацаанд бүрэн эрхийг нь түдгэлзүүлэн шалгах гишүүдийн нэгээр нэрлэгдэж буй.

Энэ талаарх редакцийн өмнөх агуулга:

Д.Ариунболдоор худалдааны төв бариулж, Д.Наранхүүтэй нүүрсээр холбогдсон Ш.Раднаасэдийн хэрэг Т.Ганзоригынхтой хамт боогджээ бичвэрийг ЭНД ДАРЖ уншина уу.

Г.ИТГЭЛ

Энэ мэдээнд өгөх таны үнэлгээ

Хуваалцаарай Жиргээрэй