СПОРТ

Ц.Амарсанаа: Сонирхогчдын спортод ч ийм шүүлт байхгүй, би ялсан

Монголын “MGL-1” холбооны 70 кг-ийн аварга, “Ширэн бээлий” клубын тамирчин, “Жад” хочит Цогоохүүгийн Амарсанаа “One championship” холбооны дэлхийн аварга асан, Филиппиний алдарт тулаанч Эдуард Фолаяангтай нутгийнх нь дэвжээнд өчигдөр тулалдав.

Хэрвээ манай тамирчин түүнийг ялбал “One championship” холбооны аваргын төлөө өрсөлдөх боломж гар ирэхийг үгүйсгэх аргагүй байлаа.

Ц.Амарсанаа өрсөлдөгчөө хоёрдугаар үед илт илүүрхэн тоглож байсан ч толгой руу нь мөргөсөн гэх шалтгаанаар ялалтыг өрсөлдөгч тамирчинд өгсөн. Шүүгчийн шийдвэртэй санал нийлэхгүй байгаагаа олон тамирчин, хөгжөөн дэмжигч илэрхийлсээр байгаа. Ц.Амарсанаа ч мөн адил сэтгэл дундуур яваагаа цахим хуудсаараа дамжуулан илэрхийлжээ.

???????? EDUARD FOLAYANG ???? AMARSANAA TSOGOOKHUU ???????? FULL FIGHT ????#ONEFC

Posted by Тулааны спорт / Tulaanii sport on Friday, November 8, 2019

Тэрбээр “Монголчууд ялсан, би ялсан. Сонирхогчдын тулааны спортод ч ийм шүүлт байхгүй. Фолаяанг миний нүүрэнд ганц удаа хальт оносон байх, бусад нь бол зүгээр л идэвхтэй харагдах хөдөлгөөн, өшиглөлтүүд байсан юм шүү. Үнэхээр намайг унатал нь мөргөсөн гэвэл мөргөлдөөд хойд гарын дотор тал буюу шуугаараа цохиж унагааж байхад зогсоох байсан юм ядаж. Хүн бүр бид хоёрын тулааны бичлэгийг харж байгаа. Унасных нь дараа би маш олон удаа довтолж, дуусгасан. Цус нь миний цээжээр годогдсон, Фолаяанг ямар ч тэмцэл үзүүлэх тэнхээгүй болсон. Хоорондоо хальт мөргөлдөх тулааны спортод байдаг л зүйл. Тулааны байтугай бөхийн спортод байдаг.  Тэгээд бас Фолаяанг өөрөө тонгойж орж ирээд мөргөсөн. Үнэхээр би довтолж байгаад мөргөсөн бол за одоо яах вэ гэж бодох сон. Үнэхээр Фолаяангийг унагаахаар мөргөсөн бол ядаж миний толгой жаахан ч гэсэн хавдаж, хөндүүрлэмээр юм. Хэрвээ Фолаяанг унаагүй, мөргөлдөөд салсан бол тулаан тэгээд л шууд үргэлжлэх байсан. “One championship” холбооны аваргын төлөө тулалдсан Рене Каталан “Энэ бол байдаг л зүйл. Фолаяангийн талд шийдчихлээ” гээд надад хүндлэл үзүүллээ. Фолаяанг хүртэл надад уучлаарай гэж хэлээд хүндлэл үзүүлсэн. Өөрөө ч сонин царайлсан байсан. Намайг дэмжсэн монголчууддаа, ивээн тэтгэгчдэдээ маш их баярлалаа” гэлээ.

Б.БУЯНДАЛАЙ

Энэ мэдээнд таны өгөх үнэлгээ
Like
Love
Haha
Wow
Sad
Angry
Таг

Холбоотой мэдээ

13 Сэтгэгдэл

  1. мөргөж болдог бол чи хожсон.түүнээс биш чи эхний үедээ хожигдсон.иим л юм болсон.үнэнтэй эвлэр.битгий чамайг хөөргөж байгаа хүмүүсийг дагаж хөөр.

    1. Миний монголын зоригт шонхор ялсан байна шүү дээ цаад тамирчин нь хүртэл ялсандаа итгэхгүй хүн чанартай болохоор уучлаарай чи ялсан шүү гэж хэлж байна

  2. Ugaasa azaaral morgoson bn shde iluu ymch bhgui bn shde manaihan iluu mundag tasarhai etsiin ur dun ni ylagdag tgd daraana er bun shig ylagdlaa huleej chadkui archaagui humuus de

Хариулт үлдээх

АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Back to top button