СПОРТ

Дэлхийн аварга Саид Моллаи Монголын тамирчин боллоо

Саяхан болсон үндэсний бөхийн чансаа өндөр 128 бөхийн барилдааны үеэр Ираны алдарт бөх, ДАШТ-ий алт, хүрэл, Азийн наадмын мөнгө, Азийн АШТ-ий нэг мөнгө, хоёр хүрэл медальт Саид Моллаи үзэгчдийн суудалд сууж буйг спортын хорхойтнууд хэдийнэ анзаарсан. Түүнийг Монголд бэлтгэж хийж байгаа юм болов уу гэж таамаглаж байлаа.

Тэгвэл эрэгтэйчүүдийн 81 кг барилддаг, 27 настай тэрбээр иргэншлээ сольж, Монголын тамирчин боллоо. Түүгээр ч үл барам энэ сарын 12-14-нд БНХАУ-д болох “World masters” тэмцээнд Монгол Улсыг төлөөлөн оролцохоор бүртгүүлэв.

Зарим хүн Саид Моллаи яагаад иргэншлээ сольсон бэ гайхаж байгаа болов уу. Тэгвэл ийм учиртай.

Ираны Засгийн газраас улс төрийн шалтгааны улмаас тамирчдаа Израилын бөхчүүдтэй барилдахыг хориглосон. Үүний улмаас Ираны жүдочид энэ жил Токиод болсон ДАШТ-д барилдаагүй. Харин Саид Моллаи өнгөрсөн жил дэлхийн аварга болсон амжилтаа батлах, хошой аварга болохын төлөө хүч сорьсон юм. Тэгэхдээ хагас шигшээд Бельгийн бөх  Маттиас Кассед ялагдаж, тавдугаар байр эзэлсэн билээ. Албаар ялагдахаас өөр аргагүй байснаа, Иран улс түүнийг сүрдүүлснийг тэр сүүлд ярьсан. Учир нь хэрвээ ялбал нөгөө талаас Израилын Саги Муки гарч ирэх нь тодорхой байсан. Тиймээс түүнтэй барилдахгүйн тулд албаар дийлдсэн юм билээ.

Засгийн газрынхаа шийдвэрийн үл тоон, ДАШТ-д барилдсан гээд иранчууд түүнийг ихэд шүүмжилж, тэр ч бүү хэл заналхийлсэн. Тиймээс Саид Моллай аргагүйн эрхэнд Иран руу буцалгүй Германд үлдэн, улс төрийн орогнол хүссэн юм. Токиогийн олимпод түүнийг ОУОХ-ны далбаан дор оролцох болов уу гэж таамаглаж байлаа, мэргэжилтүүд.

Тэгвэл дэлхийн аварга Саид Моллаи Монголыг сонгож, манай улсыг төлөөлөн тэмцээнд оролцохоор шийджээ. Ингэснээр Монголын жүдогийн 81 кг улам хүчирхэгжиж байгаа нь мэдээж. 81 кг-д ДАШТ-д хоёр удаа V байрт шалгарсан, Токиогийн “Их дуулга”-д түрүүлсэн Монголын анхны эрэгтэй жүдоч, Азийн аварга О.Ууганбаатар, Азийн аварга, олон улсын хэмжээний мастер Н.Дагвасүрэн тэргүүтэй олон шилдэг барилддаг. Өнөө жилийн “World masters”-т 81 кг-д Саид Моллаигаас гадна О.Ууганбаатар, Н.Дагвасүрэн нар зодоглоно.

ДАШТ-ий дараа Олон улсын жүдо бөхийн холбооны ерөнхийлөгч Мариус Визер “Бид Саид Моллаигийн явдлыг олон нийтэд дэлгэсэн нь түүнийг болон гэр бүлийг нь хамгаалах зорилготой байлаа. Засгийн газрынхаа шийдвэрээр ДАШТ-д оролцож чадаагүй бусад иран жүдочдын талаар ч бид ярих болно. Саид Моллаи өөр орны нэр дээр барилдахыг хүсвэл бид түүний чансааны оноог цуцлахгүй” гэж мэдэгдсэн юм.

Таг

Холбоотой мэдээ

45 Сэтгэгдэл

  1. Монгол залуучуудаа яана гээд энэ Ираныг авч байгаа юм бэ? Ууганаа Дагвасүрэн нарт боломж үгүй болж байгаа юм бишүү.

    1. buh ntr deer gadnii hun awna gedeg t1lel buh-d mongolchuud amjilt gargana ter chadahgui sags, usan selelt geh met sportdoo l gadaad humuus awna biz dee ystoi utgagui sanagdaj bn uchnuun mongoliin mundag zaluus bhad enenees iluu amjilt gargaj l taaraa sh dee

      1. тийм шүү муусайн хужаагууд иргэнмил аваад хог нигээрээ л бна. Энэ хүн Монгол төрийн дууг бидний өмнөөс эгшиглүүлхэд хэн хүнгүй л сайхан бн байх

    2. Өвөг дээдэс маань мэдлэгтэй чадвартай ямарч улсын иргэн тэр байтугай дайснуудаа хүртэл өөртөө нэгтгэж өөрийнхөө төлөө тулалдуулж ашиглаж байж энэ Их Монгол улсаа байгуулж байсан юм шүү.

  2. Bolj bolj iran buhchuud sn barilddag . ter jil chuutiin buhchuud manaid irj barildaj Bynaa avraga tailbar hiij bilee tegeed ali ch jingiinh bilee barildaj bhd n avraga tailbartaa jalil n meh hiigeed ylaad bn gej ireed surhii tailbarlaj bsn haaya ter n sonsogdoh shig boldog ym.

  3. Uugnaa davgaa ed nartai yaaj xatitsuulax v dee ddlxiin avraga xvn shvv der naad mollai chin. Sain bna uls turiin bolon gadaad xariltsaa ahashain xoorond asuudal vvschixgui bol bolj bna ah dee

  4. Харин ч одоо л жүдо бөхийн жинхэнэ хөгжил үнэртэж байна. Салхи оруулаад эхэлэлээдээ

  5. za heden 100gaaraa irj bga bish boljil baig umhii haytad l bish bol hamaa alga esergvvtseed bga hvmvvsiig oilgohgvi yum huurhii uuriin gesn shudarga vzel bodloosoo hawchilgand orood nutag bhgvi hetsvv bsn bailgvidee gehdee mongoliin tsalin baga tatwar aimar amidrahad shirvvn uur amisgaltai yaj tesnee huu

  6. энэ чинь өрсөлдөөн шүү дээ! хэн сайн бэлтгэл хийнэ тэр бөх цоойлж гарч ирнэ. салхи оруулссан нь дээрээ

  7. за хө Монголоор минь туг тахиулах гээд байна уу даа эсвэл өөр зорьлого байгаад байна уу. юмыг яаж мэдхэв барууныхныг

  8. Ийм сайн бөхтэй манай тамирчид хамт бэлтгэл хийж, их юм сурч, түвшингээ ахиулах хэрэгтэй шүү дээ. Сагсан бөмбөгийг хар л даа. Хэдэн америк залуучуудтай тоглосоор байгаад манай залуучууд маш их сайжирсан шүү дээ.

  9. Ираны хувьд Монгол Улс дайсан нь болж байгаа юм биш үү!!!, өөрсдийгөө яая гэж байж мундаг жудочины шаардлага байсан уу???

  10. Мэдээгээ зөв орчуулж, нягталж судалж нийтлээч. Энэ тамирчин манай иргэн болоогүй, Германд улс төрийн орогнол аваад, Герман улс иргэншил амалсан байгаа. Олимпын эрх авах тэмцээнүүдэд оролцоход нь тусалж ОУ-ын Цагаачдын байгууллагын хүсэлтээр манайх түр пасспорт олгосон бөгөөд энэ хүн Монголын иргэн болохгүй, Олимпод ямар нэг орны биш харин ОУ-ын Цагаачдын байгууллагын нэр дээр оролцоно. Олимпын дараа Германы иргэншлээ авна гээд тодорхой бичсэн байхад л Монголын иргэн боллоо гээд худлаа цуураад байх юм.

    1. Tiim baina lee. Germanii irgenshil avna geed uuruu hurtel bichsen baisan. Bodvol germanii irgenshil avahad odoohondoo asuudaltai baigaa bolood manaih tusalj baigaa bailgui. Eniig ashiglaad manai buhchuud ene mundag tamirchnaas yum suraad avaasai bilee.

    2. Х.Баттулга иргэнээ болголоо гээд бичээд байхад юун герман бэ? Эн орчууаад байх юу байгаа юм?

  11. Энэ Иран тэгээд Монголын харьяат болсон юм уу? Энэ бол солиорол. Гавьяат тамирчин буудлагын Мөнхбаяр Монголын харьяатаа сэргээх гэхэд нь зөвшөөрөөгүй, Цагаанзам дуучин манай харьяат болох гэхэд нь бас зөвшөөрөөгүй, тэгсэн мөртөө энэ Иранд зөвшөөрчээ. Сонин юмаа.

  12. Цагаан зам дөрвөдөөр яадаг юм. Мөнхбаяр бол эх орондоо 2 жил амьдраад л иргэнээ гэсэн шүү дээ.

Хариулт үлдээх

АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Back to top button
Close