Дэлхийн нүүдэлчдийн спортын 5-р наадам энэ жил Казахстан Улсын нийслэл Астана хотод болж буй. Тэмцээн маргааш дуусна.
Энэ удаагийн наадамд дэлхийн 80 гаруй орны 2500 гаруй тамирчид спортын 21 төрөлд өрсөлдөж байна. Харин манай улсаас 66 тамирчин спортын 16 төрөлд өрсөлдөж байгаа юм. Өнөөдөр наадмын тав дахь өдөр зоос шүүрэх төрөлд манай улсын тамирчин М.Науырызбек мөнгөн медаль хүртлээ. Ингэснээр Монгол Улсын баг өнөөдрийн байдлаар дөрвөн мөнгө, есөн хүрэл медальтайгаар 89 орноос 19 дүгээр байрт жагсаж байна гэж Биеийн тамир, спортын улсын хорооноос мэдээллээ.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.