Бид одоогоос дөрөв хоногийн өмнө 17 дахь хагалгаандаа орохоор БНСУ-ыг ээжийн хамт зорих гэж байгаа найман настай А.Анар-Эрдэнэхүүг сурвалжлан хүргэсэн. Очих үед тэдний хандивын дансанд 50 сая төгрөг цуглараад байсан юм.
Тэгвэл дөрөв хоногийн хугацаанд нэмж 90 сая төгрөг цугларснаар хагалгааны нийт зардал болох 140 сая төгрөг бүрджээ.
А.Анар-Эрдэнэ хүү зургаан настайдаа анх бүдүүн гэдэсний түгжрэл гэх онош сонссон бөгөөд Монголд 15, БНСУ-д нэг удаа хагалгаанд ороод байсан юм.
Түүний хагалгааны зардал ийн бүрдсэн тул бүрэн эдгэрэх боломжтой болж байна.
Тэд энэ сарын 22-ны өдөр БНСУ-ыг зорино.
Хандивын аяныг анх иргэн Ш.Бат-Эрдэнэ эхлүүлсэн бөгөөд олон хүний дэм тусаар дээрх хандив бүрдлээ.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Aztai huu bn , edgereed ireerehiin eruul taviy,