Зам тээврийн ослоор гурван хүүхэд дөрвөн том хүн амиа алджээ

Тээврийн цагдаагийн албаны Жижүүрийн шуурхай удирдлагын хэлтэст  2019.08.12-15-ны өдрүүдэд нийт 1108 дуудлагыг хүлээн авснаас зам тээврийн ослын шинжтэй 738 дуудлага, мэдээллийг хүлээн авч, шалгалтын ажиллагаа явууллаа. Бүртгэгдсэн осол хэргийн улмаас нийслэлд 22 хүн гэмтэж, ноцтой зам тээврийн ослын улмаас орон нутагт 7 хүний амь нас хохирсны 3 хүүхэд байна.

Энэ 7 хоногт зам тээврийн ослын улмаас 7 хүүхэд гэмтэж бэртэж, 3 хүүхдийн амь нас хохирсон байна. Гэмтсэний хүүхдүүд явган зорчигч хэлбэрээр хөдөлгөөнд оролцож 3 нь гарцгүй газраар, 2 нь гарцтай газраар зам хөндлөн гарч байхдаа осолд орсон бол нас барсан 3 хүүхдийн 2 нь зорчигч, 1 нь явган зорчигч хэлбэрээр хөдөлгөөнд оролцож байжээ.

Ноцтой зам тээврийн ослоос дурдвал:

2019.08.14-ний өдрийн 06.10 цагийн орчимд Завхан аймгийн Тэлмэн сумын “Нуурын босго” гэх газар /Сумын төвөөс хойшоо 22 км/ асфальтан замд Mitsubshi Colt  маркийн Э жолоочтой автомашин онхолдож, жолооч 39 настай, эрэгтэй Э нас барж, зорчигч 24 настай, эрэгтэй А гэмтсэн.

2019.08.14-ний өдрийн 12.48 цагийн орчимд Төв аймгийн Сэргэлэн сумын 1-р баг, Зуунмод-Налайх явах чиглэлийн А25 дахь автозам /Сумын төвөөс зүүн тийш 15 км/ асфалтан замд Тоёота Приус маркийн С жолоочтой автомашин онхолдож, зорчигч 19 настай, эрэгтэй Г нас барсан

2019.08.14-ний өдрийн 12.50 цагийн орчимд Төв аймгийн Эрдэнэ сумын Өгөөмөр 1-р баг, Улаанбаатар-Багануур явах чиглэлийн А0105 дахь автозам /Сумын төвөөс хойшоо 22 км/ асфалтан замд Lexus470 маркийн Т жолоочтой автомашин онхолдож, зорчигч 44 настай, эрэгтэй Б нас барсан.

2019.08.15-ны 08.00 цагийн орчимд  Өмнөговь аймгийн Ханхонгор сумын Өгөөмөр баг “Тээг” гэх газар /сумын төвөөс зүүн хойш 43км/ асфальтан замд  Honda Civic  маркийн  Б жолоочтой автомашин онхолдож, зорчигч 53настай, эмэгтэй С нас барж, жолооч 68 настай, эрэгтэй Б, зорчигч10 настай, эмэгтэй А нарын 2 хүн гэмтсэн.

-2019.08.16-ны 00.30 цагийн орчимд  Баянхонгор аймгийн Өлзийт сумын 1-р баг “Бай хөндий” гэх газар /сумын төвөөс баруун урагш 18км/ асфальтан замд Toyota Prius А жолоочтой автомашин онхолдож, зорчигч  6 настай, эмэгтэй С, 3 настай, эмэгтэй Э нарын 2 хүн нас барсан

-2019.08.15-ны 18.00 цагийн орчимд  Хэнтий аймгийн Батноров сумын 3-р баг Цагаан нуурын “Энгэр” гэх газар /сумын төвөөс хойд зүгт 35км/  шороон замд Toyota Prius автомашины жолооч  С нь явган зорчигч 1 настай, эрэгтэй мөргөж, явган зорчигч эмнэлэгт хүргэгдэх явцдаа нас барсан

Энэ 7 хоногт хүн гэмтсэн нийт ослыг хэлбэрээр авч үзвэл явган зорчигч мөргөж  гэмтээх хэлбэрээр 13, унадаг дугуйтай хүн мөргөх хэлбэрээр 1, мөргөлдөх хэлбэрээр 4 тус тус бүртгэгдсэн байна.

Мөн алба хаагчдаас хийсэн хяналт шалгалтын үеэр согтуугаар тээврийн хэрэгсэл жолоодсон 109 жолоочийг илрүүлэн эрхгүй үедээ согтуугаар тээврийн хэрэгсэл жолоодсон 22 хүнийг шүүхээр баривчилж хуулийн дагуу хариуцлага тооцсон байна. 

Энэ 7 хоногт бүртгэгдсэн зам тээврийн осол, хэргийг өмнөх 7 хоногийн нөхцөл байдалтай харьцуулахад нийт дуудлага мэдээлэл 9 хувиар, зам тээврийн ослын шинжтэй дуудлага 4 хувиар, гэмтсэн хүний тоо 12 хувиар, зам тээврийн ослын улмаас нас барсан  хүний тоо 50 хувиар тус тус  буурсан байна хэмээн тээврийн цагдаагийн албанаас мэдээллээ.

Энэ мэдээнд өгөх таны үнэлгээ

Хуваалцаарай Жиргээрэй