Монголын волейболын үндэсний дээд лигийн “Өмнөговь Шанх Транс” багийн ахлагч, үндэсний шигшээ багийн тамирчин Баттөрийн Батсуурь болон өмнө жилийн дээд лигийн аварга “Баянхонгор Корунд Гео” багийн тамирчин Осорын Чойжилсүрэн нар Азербайжаны лигт тоглож байгаа билээ. Тэдний хувьд Монголын эрэгтэй волейболчдоос гадаадын лигт легионероор очсон гурав дахь тохиолдол юм.
Тэгвэл Б.Батсуурь, О.Чойжилсүрэн нар өмнөх долоо хоногт дөрвөн сарын турш үргэлжилж буй тус улсын волейболын дээд лигт багийнхаа хамтаар хүчтэй өрсөлдөөнийг үзүүлж, аваргын төлөө тоглохоор шалгарч үлдээд байв.
Тэд өчигдөр аваргын алтан медалийн төлөөх сүүлийн тоглолтоо хийж мөнгөн медалийн тавцанд багийнхаа хамт зогслоо. Ингэснээр монгол тамирчид гаднын лигээс медаль хүртэж буй хоёр дахь тохиолдол болж, түүх бүтээв. Эргэн сануулахад “Ноён” клубын тамирчин Т.Хангал Тайланд улсын дээд лигт уригдан тоглож аваргалсан билээ.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Сэлгээнд байгаа юм уу