Ганга нуур, түүний орчмын газар нутаг нь биологийн төрөл зүйлийн хувьд өвөрмөц амьдрах орчин болохын дээр ховор шувууд, зарим амьтдын нүүдлийн зам коридор нутаг болж байгаагаараа Монгол орны хувьд төдийгүй бүс нутгийн хэмжээнд үнэ цэнэтэй. Тэгвэл Ганга нуур 2016-2017 онуудад 70 хувь нь ширгэж аюулд орсон.
Нуур ширгэсэн нь эх цутгал булгуудын ширгэлт, элс, шороон шуурганаас үүдэлтэй бохирдол, нуур орчмын 20 мянга гаруй малаас үүдэлтэй бохирдол зэрэг олон шалтгаанаас болсон. Иймээс Монгол Улсын Ерөнхийлөгч У.Хүрэлсүх 2017 онд Ерөнхий сайдаар ажиллаж байхдаа “Ганга нуурыг бохирдол ширгэлтээс хамгаалах урсацыг сайжруулах” төслийг эхлүүлсэн. Энэ төслийн хүрээнд молцог элсний ургамалжилт болон Ганга нуурын хагшаасын судалгаа хийжээ. Мөн нуурын хамгаалалтын 16 км хашаа татсан байна. Нуурыг малын хөлөөс чөлөөлөх зорилгоор Ганга нуур орчмын 45 өрхийн дунд бэлчээрийн зориулалттай 10 худгийг гаргаж малчдад хүлээлгэж өгсөн бөгөөд нуурын салхин дээд талд 10га-д 8000 гаруй мод тарьж хамгаалалтын ойн зурвас байгуулах ажлыг эхлүүлжээ.
2017 оноос Ганга нуурыг хамгаалах ажил эрчимтэй явагдсаны үр дүнд нуурын экосистем сэргэж 2005 оны усны түвшингийн хэмжээнд хүрсэн байна. Үүний нөлөөгөөр 2022 оны намар Ганга нууранд 7000 гаруй хун шувуу чуулсан нь орон нутгийн иргэд, шувуу судлаачдыг баярлуулсан юм.
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Ямар буянтай ажил вэ? Ёстой сайн бна. Одоо ус нь багассан бүх нууруудыг улс даяар яг ингээд сэргээгээд явчих хэрэгтэй бн даа.
сайн байцгаана уу. Сайхан.
Сайхан зүйл уншчихлаа. Баярлалаа
Сайхан мэдээ бн
Сайхан мэдээ байна
Нэг хүүхэн ном уншаад үйл хийгээд бороо оруулаад сэргээсэн гэсэн шүү
m#l psda ve
байгалаа сэргээж байвал юутай сайхан бэ ашгүйдээ
Saihan medee bnda bayr hvrgie