Хятадын найман байлдааны онгоц Бямба гарагт Тайваний хоолойн гол шугамыг давж, эргээс 24 далайн миль (44 км) зайд орших арлын зэргэлдээх бүсэд ойртсон гэж Тайваний Батлан хамгаалах яам мэдэгдэв.
Хятадын агаарын хүчин сүүлийн гурван жилийн хугацаанд Тайванийг тойрсон агаарын орон зайд тогтмол нислэг үйлдэж байна. Наймдугаар сараас хойш хоолойн голын шугамаар тийрэлтэт онгоцуудыг тогтмол илгээж байв.
Гуравдугаар сард Тайваний Батлан хамгаалахын сайд Чиу Куо-чэн “энэ жил Хятадын арми өөрийн нутаг дэвсгэрт ойрхон бүс нутагт "гэнэт нэвтэрч" болзошгүй тул арлыг бэлэн байдалд байлгах ёстой” гэж анхааруулсан.
Тайваний Батлан хамгаалах яам мэдэгдэлдээ, бямба гарагийн өглөөний 8 цагаас (GMT 0000) эхлэн Хятадын J-10, J-16 сөнөөгч онгоц зэрэг 19 байлдааны онгоц илрүүлсэн байна. Тэдний найм нь дундаж шугамыг давж, 24 далайн милийн тэмдэгт "ойртсон" гэж мэдэгдэв.
Үүний зэрэгцээ Хятадын таван байлдааны хөлөг онгоц "байлдааны бэлэн байдлын хамтарсан эргүүл" хийсэн гэжээ.
Тайвань хариуд нь өөрийн нисэх онгоц, хөлөг онгоцуудаа илгээж, хуурай газарт суурилсан пуужингийн системийг идэвхжүүлсэн гэж тус яам Хятадын цэргүүдийн дайралтанд хэрхэн хариу үйлдэл үзүүлэхийг мэдэгдэв.
Хятадын Батлан хамгаалах яам тайлбар хүссэн утсанд хариу өгөөгүй аж.
Бямба гарагт Хятадын J-16 сөнөөгч онгоцууд "далайд алс хол" сургалтын даалгавраар хөөрч буй зургуудыг "саяхан" нийтэлжээ. Тус командын мэдээлснээр "олон мянган километр" туулсан нислэгийн үеэр түлш цэнэглэх дасгал хийсэн. Энэ талаар дэлгэрэнгүй мэдээлэл өгөөгүй байна.
Эх сурвалж: reuters
У.УЯН
АНХААРУУЛГА: Уншигчдын бичсэн сэтгэгдэлд Eguur.mn хариуцлага хүлээхгүй болно. Манай сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.
Хятад, Тайванийн дайн гарцаагүй болжээ. Угаасаа Хятадад дахин ийм боломж тохиохгүй л дээ. Украйны дайны утаа замхраагүй байгаа дээр одоо л дайрна. Харин энэ нь Хятадын задралын эхлэлийн тавих болов уу.